47:402  illis  exprobret  illam  damnandi  formam  quam  urgebant  a  communi  gentium  omnium  iure  et  humano  sensu  abhorrere.  Interea  simul  eos  perstringit,  quod  gloriarentur  se  legem  habere  a  Deo  traditam.  Ironice  dicit,  accipite  eum  vos.  Neque  enim  passus  esset,  iudicium  ab  illis  de  capite  hominis  fieri,  sed  perinde  est  ac  si  dixisset:  Si  vestra  esset  potestas,  traheretur  subito  ad  supplicium  indicta  causa.  Haeccine  est  igitur  legis  vestrae  aequitas,  hominem  nullo  crimine  damnare?  Ita  impii  dum  falso  nomen  Dei  obtendunt,  sanctam  eius  doctrinam  hostium  calumniis  subiiciunt,  et  maledicendi  occasio  cupide  a  mundo  arripitur.  Nobis  non  licet.  Falluntur  qui  putant  Iudaeos  recusare,  quod  illis  delatum  erat  a  Pilato:  quin  potius  quum  scirent,  sibi  per  ludibrium  dictum  esse:  Accipite  eum  vos,  excipiunt:  Tu  hoc  non  permitteres.  Ergo  quum  sis  iudex,  munus  tuum  exsequere.  32.  Ut  sermo  Iesu  ete.  Tandem  subiicit  evangelista  ita  oportuisse  fieri,  ut  impleretur  quod  praedictum  a  Christo  fuerat:  Tradetur  filius  hominis  in  manus  gentium  (Matth.  20,  19)  Et  certe  hoc  praecipuum  caput  est,  si  cupimus  mortis  Christi  hibtoriam  cum  fructu  legere,  ut  aeternum  Dei  consilium  spectemus.  Sistitur  filius  Dei  ad  tribunal  mortalis  hominis.  Si  hoc  putemus  geri  hominum  libidine,  oculos  autem  non  attollamus  ad  Deum,  fidem  nostram  pudefieri  ac  confundi  necesse  erit.  Verum  ubi  agnoscimus  illo  Christi  reatu  nostrum  coram  Deo  abolitum  esse,  quia  coelesti  patri  ita  placuit  reconciliare  sibi  humanum  genus,  hac  sola  cogitatione  in  sublime  elati,  intrepide  et  sine  pudore  in  ipsa  Christi  ignominia  gloriamur.  Discamus  ergo  in  singulis  huius  historiae  partibus  sensus  nostros  in  Deum  redemptionis  nostrae  autorem  convertere.  33.  Ingressus  est  ergo  iterum  in  praetorium  Pilatus  et  vocavit  Iesum  et  dixit  ei:  Tu  es  rex  Iudaeorum?  34.  Bespondit  ei  Iesus:  A  te  ipso  hoc  dicis%  an  alii  dixerunt  Ubi  de  me?  35.  Bespondit  Pilatus:  Num  ego  Iudaeus  sum  ?  Oens  tua  et  pontifices  tradiderunt  te  mihi:  quid  fecisti?  36.  Bespondit  Iesus:  Begnum  meum  non  est  ex  hoc  mundo:  si  ex  mundo  hoc  esset  regnum  meum^  ministri  mei  utique  decertarent  ne  traderer  Iudaeis.  Nunc  autem  regnum  meum  non  est  hinc.  33.  Ingressus  est  iterum.  Probabile  est,  multa,  ultro  citroque  fuisse  dicta  quae  evangelista  subticet,  quod  etiam  promptum  est  ex  aliis  colligere.  Sed  hic  noster  in  uno  capite  maxime  insistit,  Pilatum  sedulo  percunctatum  esse,  iustene  an  iniuste  tractus  esset  Christus  in  iudicium.  Coram  populo,  ubi  seditio  fervebat,  nihil  potuit  agi  nisi  tumultuose.  26