41:402  pas  de  faire  mal,  sinon  qu'il  despitast  Dieu  quant  et  quant.  Et  voila  comme  les  Iuifs  ont  parle  du  temps  que  Iesus  Christ  estoit  a  la  croix  il  se  confie  en  Dieu,  qu'il  le  delivre  maintenant.  Et  c'est  aussi  le  reproche  qui  a  este  fait  a  David  par  les  meschans,  il  sembleroit  de  prime  face,  que  le  propos  du  roy  Darius  tendit  la,  mais  quand  on  aura  bien  tout  regarde,  c'est  tout  le  contraire,  car  Darius  ne  livroit  point  Daniel,  pour  estre  iette  en  la  fosse  des  lions  de  son  bon  gre,  il  ne  cerchoit  point  sa  mort,  mais  plustost  (comme  il  a  desia  este  declare)  il  a  mis  toute  peine  pour  le  sauver,  et  pour  l'en  retirer,  et  quand  il  voit  qu'il  ni  scauroit  que  faire,  helas!  il  dit,  que  ton  Dieu  auquel  tu  sers  te  delivre,  puis  que  tu  es  ainsi  destitue  quant  aux  hommes,  et  bien  que  Dieu  y  pourvoie,  tu  l'as  servi,  qu'il  maintienne  ta  cause.  Nous  voions  donc  maintenant  ce  qu'a  entendu  le  roy  Darius,  et  par  cela  nous  pourrons  encores  mieux  veoir,  qu'il  ne  peche  sinon  par  infirmite,  et  ainsi  quand  nous  verrons  des  gens,  qui  auront  quelque  semence  de  Dieu,  qui  auront  quelque  bonne  affection,  que  les  choses  soient  bien  conduites,  et  toutesfois  qu'ils  flechiront  comme  des  rozeaux,  qui  seront  [agites  a  tous  vens,  et  quand  il  y  aura  quelque  tempeste  qu'ils  tomberont  du  tout,  quand  donc  nous  les  verrons  tels,  il  faut  que  nous  en  aions  compassion,  et  que  nous  prions  Dieu  qu'il  les  fortifie,  afin  qu'ils  se  puissent  aquitter  fidellement  de  leur  devoir,  et  suivre  leur  vocation.  Et  non  seullement  il  nous  faut  tenir  cette  reigle  envers  ceux  qui  sont  constitues  en  estat,  et  qui  ont  charge  publique,  mais  envers  tous  en  general,  que  si  nous  voions  nos  prochains  qui  soient  debiles,  et  qu'ils  pechent  par  infirmite,  nous  les  devons  admonester  doucement,  nous  leur  devons  tendre  la  main,  a  fin  de  les  retirer  du  dangier  auquel  ils  pourroient  tomber.  Voila,  di-ie,  comme  il  nous  faut  gouverner  envers  nos  prochains,  qui  pechent  par  debilite,  et  aussi  qu'il  nous  souvienne  de  cette  admonition  que  fait  sainct  Paul,  c'est  a  scavoir,  que  si  nous  regardons  bien  a  nous,  nous  trouverons  qu'il  ni  ha  celuy  qui  se  puisse  vanter  qu'il  ne  soit  subiet  a  beaucoup  de  tentations.  Et  pourtant  (dit  il)  celuy  qui  est  maintenant  debout,  qu'il  sache  qu'il  pourra  tomber,  sinon  que  Dieu  le  soutienne.  Ainsi  donc,  quand  nous  aurons  regarde  a  nous,  il  est  certain  que  cela  sera  pour  nous  faire  cheminer  en  humilite  et  modestie,  et  serons  quant  et  quant  instruis,  d'avoir  pitie  de  nos  prochains,  que  quand  ils  chancelleront,  ou  trembleront,  qu'ils  seront  soustenus  et  releves  par  nous.  Voila  (di-ie)  comme  il  nous  faut  gouverner  envers  ceux  qui  pechent  par  infirmite.  Or  les  meschans  ne  sont  pas  dignes  qu'on  procede  ainsi  envers  eux.  Il  est  vray  qu'il  nous  faudra  bien  essaier,  s'il  y  ha  moien  de  les  amener  a  quelque  correction,  qu'il  ne  nous  faut  point  desesperer  de  26