8:401  401  I  I  DE  SOUFFRIR  PERSECUTION.  402  tout  ce  qui  est  maintenant  confus  sera  reforme.  Si  le  terme  nous  semble  long,  courons  au  remede,  et  ne  nous  flattons  point  en  nostre  vice;  car  il  est  certain  que  nous  n'avons  nulle  foy  si  nous  n'estendons  la  veue  de  nos  ames  iusques  a  la  venue  de  Iesus  Christ.  Or  Dieu,  pour  ne  laisser  nul  moyen  derriere  qui  soit  propre  a  nous  poulser,  nous  propose  les  promesses  d'un  coste,  et  les  menaces  de  l'autre.  Sentons-nous  que  les  promesses  n'ayent  point  assez  de  vertu  en  nous?  conioingnons  les  menaces  pour  les  fortifier.  Vray  est  qu'il  fault  bien  que  nous  soyons  pervers  [f.  30]  tant  et  plus,  de  n'adiouster  point  plus  de  foy  que  nous  faisons  aux  promesses  de  Dieu,  quand  le  Seigneur  Iesus  dit  (Matth.  10,  32)  qu'il  nous  advouera  pour  siens  devant  son  Pere,  moyennant  que  nous  le  confessions  devant  les  hommes.  Qu'est-ce  qui  nous  doibt  empescher  que  nous  ne  luy  rendions  la  confession  qu'il  demande?  Quand  les  hommes  auront  faict  tous  leurs  effors,  ils  ne  peuvent  pis  que  de  nous  meurtrir.  Et  que  nous  sera  la  vie  celeste  au  pris?  Ie  n'amasse  pas  yci  toutes  les  promesses  contenues  en  l'Escripture,  qui  tendent  en  une  mesme  fin:  tant  y  a  (d'autant  qu'elles  sont  souvent  reiterees),  que  nous  y  debvrions  estre  tout  conficts.  Et  quand  ce  vient  aux  coups  ruer,  si  trois  ou  quatre  ne  nous  sont  assez,  une  centaine,  tout  au  pis  aller,  debvroit  bien  vaincre  toutes  tentations  contraires.  Mais  si  Dieu  ne  nous  peut  attirer  a  soy  par  doulceur,  ne  fault-il  pas  que  nous  soyons  plus  qu'hebetez,  quand  les  menaces  n'y  font  non  plus?  Iesus  Christ  adiourne  devant  Dieu,  son  Pere,  tous  ceulx  qui  auront,  par  crainte  de  la  mort  corporelle,  renie  la  verite,  et  dit  que  corps  et  ame  seront  mis  a  perdition  (Luc.  9,  26).  Et  en  un  autre  passage,  il  dit  qu'il  renoncera  la  tous  ceuix  qui  l'auront  renie  devant  les  hommes  (Matth.  10,  33).  Sinon  que  nous  soyons  par  trop  despourveus  de  sens,  ces  mots  nous  doibvent  bien  faire  dresser  les  cheveulx  en  la  teste.  Quoy  qu'il  en  soit,  quand  nous  n'en  serons  point  esmeus  comme  il  appartient,  il  ne  nous  reste  sinon  une  horrible  confusion:  car  en  ce  que  toutes  les  parolles  de  Iesus  Christ  nous  proufitent  si  peu,  nous  sommes  convaincus  d'une  trop  grande  infidelite.  Nous  aurons  beau  alleguer  qu'il  y  a  pitie  en  nous,  d'autant  que  nostre  nature  est  si  fragile:  car  il  est  dict  au  contraire  (Hebr.  ll,  24),  que  Moyse  ayant  regarde  Dieu  par  foy,  a  este  endurci  pour  ne  fleschir  soubs  aucune  tentation.  Parquoy,  quand  nous  sommes  ainsi  mois  et  aisez  a  ployer,  voire  qu'il  n'y  a  ne  zele,  ne  constance,  c'est  signe  que  nous  ne  scavons  que  c'est  de  Dieu  ne  de  son  royaume.  Quand  on  nous  remonstre  que  nous  debvons  estre  conioincts  a  nostre  chef,  il  nous  semble  que  nous  avons  une  belle  couleur  de  nous  en  exempter,  en  disant  que  nous  sommes  hommes.  Mais  ceulx  qui  ont  marche  Calvini  opera.  Vol  VIII.