55:401  401  CAPUT  IL  402  quorundam  observantiae.  Regia  lex  (meo  iudicio)  dicitur  ut  via  regia:  plana  scilicet,  recta  et  aequabilis:  quae  sinuosis  diverticulis  vel  ambagibus  tacite  opponitur.  Secundo  loco,  quum  eos  dicit  r  e  d  a  r  -  gui  a  l  e  g  e  qui  personas  accipiunt,  lex  in  proprio  significatione  capitur.  Nam  quum  Dei  mandata  iubeamur  universos  mortales  amplecti:  quisquis,  paucis  exceptis,  alios  omnes  reiicit,  et  interim  melioribus  praesert  maxime  indignos,  quum  Dei  vinculum  abrumpat,  non  minus  quam  ordinem  invertat:  merito  vocandus  est  legis  transgressor.  10.  Quisquis  enim  totam  legem.  Hoc  tantum  sibi  vult,  Deum  nolle  cum  exceptione  coli,  neque  ita  partiri  nobiscum,  ut  nobis  liceat,  si  quid  minus  adlubescit,  ex  eius  lege  resecare.  Dura  primo  adspectu  baec  sententia  videtur  quibusdam:  quasi  Stoicorum  paradoxo,  peccata  omnia  aequalia  facienti,  subscriberet:  ac  peraeque  puniendum  esse  assereret,  qui  una  tantum  in  re  deliquit,  ac  si  tota  vita  nequam  et  sceleratus  fuisset.  Sed  nihil  tale  apostolo  in  mentem  venisse,  ex  contextu  liquet.  Semper  enim  cur  quidque  dicatur,  notandum  est.  Proximos  negat  diligi,  quum  pars  tantum  aliqua  ambitiose  eligitur,  aliis  neglectis.  Hoo  probat,  quia  non  sit  erga  Deum  obedientia,  ubi  non  est  aequabile  obsequendi  studium  quod  Dei  mandato  respondeat.  Ergo  sicuti  simplex  ac  integra  est  Dei  regula:  ita  nos  integritatem  afferre  convenit,  ne  quis  nostrum,  quae  coniungit  ille,  perperam  separet.  Adsit  ergo  aequabilitas,  si  velimus  rite  obedire  Deo.  Exempli  gratia,  Si  quis  iudex  decem  furta  puniat,  unum  relinquat  impunitum:  hinc  prodit  obliquam  animi  sui  pravitatem,  quod  hominibus  magis  quam  sceleribus  infensus  fuerit.  Nam  quod  in  altero  damnat,  in  altero  absolvit.  Tenemus  nunc  Iacobi  consilium:  nempe,  si  ex  lege  Dei  rescindimus  quod  nobis  minus  erit  commodum  :  etiamsi  in  aliis  partibus  nos  praebeamus  obsequentes,  nos  sieri  omnium  reos,  quia  totam  legem  violamus  in  uno  capite.  Quamquam  autem  hoc  dictum  ad  praesentis  causae  circumstantiam  accommodat:  sumptum  est  tamen  ex  generali  principio,  quod  Deus  regulam  vivendi  nobis  praescripserit,  quam  a  nobis  lacerari  fas  non  est.  Neque  enim  de  aliqua  legis  parte  hoc  dicitur:  Haec  est  via:  ambulate  in  ea:  nec  mercedem  lex,  nisi  universali  obedientiae  promittit.  Stulte  itaque  Scholastici,  qui  partialem  (ut  vocant)  iustitiam  pro  meritoria  reputant.  Atqui  tam  hic  locus  quam  alii  complures,  clare  demonstrant  nullam  esse  iustitiam  nisi  in  perfecta  legis  observatione.  11.  Nam  qui  dixit  Probatio  superioris  sententiae:  quia  considerandus  sit  potius  legislator  quam  singula  seorsum  praecepta.  Iustitia  Dei  quasi  individuum  corpus  lege  continetur.  Quisquis  ergo  caput  unum  legis  transgreditur,  Dei  iustitiam,  quantum  in  se  est,  labefactat.  Deinde  ut  in  una  parte,  Calvini  opera.  Vol.  LV.