54:401  401  SUR  L'EPITRE  A  TITE.  402  sainct  Paul  se  pouvoit  hardiment  glorifier:  mais  il  se  deporte  de  tout  cela,  pour  nous  monstrer  qu'il  ne  faut  point  que  nous  apportions  rien  du  nostre  quand  nous  voudrons  estre  escoutez  :  mais  que  nous  monstrions  ce  que  nous  avons  de  Dieu.  Et  une  telle  procedure  est  bien  pour  nous  humilier  :  comme  il  dit  en  l'autre  passage,  Qu'est-ce  que  tu  as  sinon  ce  qui  t'est  donne?  Oar  ii  y  en  a  beaucoup  qui  parleront  des  graces  de  Dieu,  mais  ils  ne  laissent  pas  d'estre  pleins  d'orgueil:  comme  nous  voyons  ce  Pharisien  qui  est  au  temple,  enfle  d'orgueil  et  de  presomption:  il  luy  semble  que  les  autres  ne  sont  pas  dignes  d'approcher  de  luy:  et  toutesfois  il  dit,  Seigneur,  ie  te  ren  graces.  On  diroit  qu'il  est  despouille  de  toute  arrogance:  mais  cependant  il  ne  laisse  pas  de  monstrer  sa  fierte,  car  il  veut  exauce  pour  ses  bien-faits  et  ses  merites:  et  cependant  il  ne  cognoit  point  les  graces  de  Dieu  en  purete  de  coeur.  Et  pourtant  il  faut  qu'il  soit  la  laisse  maudit,  et  que  celuy  lequel  il  ne  daignoit  regarder,  l'estimant  un  malheureux,  soit  exauce  de  Dieu:  comme  nostre  Seigneur  Iesus  Christ  le  remonstre.  Et  c'est  ainsi  que  sainct  Paul  en  a  use.  Et  voila,  pourquoy  en  ce  passage,  comme  aussi  par  tout,  quand  il  parle  de  la  dignite  evangelique,  il  dit,  C'a  este  selon  l'ordonnance  de  Dieu:  protestant  par  cela:  que  Dieu  ne  l'avoit  point  choisi  comme  le  plus  idoine  et  le  plus  suffisant,  mais  d'autant  que  son  bon  plaisir  estoit  tel.  Or  puis  qu'ainsi  est,  apprenons  maintenant  de  nous  assuiettir  du  tout  a  la  volonte  de  Dieu,  et  mieux  que  nous  ne  faisons  pas:  et  quand  nos  affections  ne  s'y  voudront  point  ranger,  que  ceste  bride-ci  nous  retiene.  Voire,  mais  si  faut-il  que  Dieu  nous  gouverne,  et  qu'il  soit  maistre  par  dessus  nous.  Et  mesmes  quand  il  y  aura  quelque  chose  qui  nous  semblera  fascheuse,  et  dont  nous  voudrions  estre  exemptez,  que  nous  cognoissions,  Voire,  mais  si  est-ce  que  ceci  n'est  point  licite,  ie  voy  qu'il  desplaist  a  mon  Dieu.  Que  cela  donc  soit  pour  repousser  toutes  les  tentations  de  nostre  chair  qui  nous  solicitent  a  mal-faire:  et  cependant  quand  nous  avons  l'ordre  de  l'Eglise  qui  aura  este  institue  de  Dieu,  que  nous  n'y  venions  rien  mesler  qui  soit  de  nostre  cerveau,  pour  dire,  Ho,  il  me  semble  que  cela  sera  bon,  et  ie  voudroye  que  cela  allast  ainsi.  Et  qui  est-ce  qui  parle?  Les  petis  vermiceaux  se  voudront  elever:  les  crapaux  voudront  sauter.  Il  est  vray  qu'ils  auront  bien  les  estomachs  enflez:  mais  cependant,  qu'est-ce  qu'il  y  a  ?  Toute  vermine  et  pourriture.  Et  cependant  ils  voudront  approuver  ou  reietter  l'Evangile  a  leur  poste,  et  en  voudront  estre  iuges  a  leur  phantasie.  Or  de  nostre  coste  advisons  ce  qui  est  declare  par  sainct  Paul  :  car  il  n'y  a  doute  qu'il  n'ait  voulu  despiter  les  plus  grans  de  ce  monde,  quand  ils  ne  Calvini  opera.  Vol.  LIV.