52:401  401  ARGUMENTUM.  Quum  in  Creta  ecclesiae  duntaxat  fundamenta  fecisset  Paulus,  alio  properans  (ut  erat  non  unius  tantum  insulae  pastor,  sed  gentium  apostolus)  Tito  prosequendi  operis  partes,  tanquam  evangelistae,  mandaverat.  Apparet  autem  ex  hac  epistola,  statim  post  discessum  Pauli  Satanam  incubuisse  non  tantum  ut  perverteret  ecclesiae  regimen,  sed  ut  doctrinam  quoque  corrumperet.  Erant  qui  per  ambitionem  emergere  cuperent  in  pastorum  ordinem  :  pravis  illorum  studiis  quia  non  obsequebatur  Titus,  male  apud  plerosque  audiebat.  Erant  rursum  ex  Iudaeis  qui  legis  mosaicae  praetextu  multas  nugas  ingerebant:  tales  vero  cupide  et  multo  cum  favore  audiebantur.  Hoc  itaque  consilio  scribit  Paulus,  ut  Titum  sua  autoritate  armet  ad  tantum  onus  sustinendum.  Neque  enim  dubium  est  quin  secure  a  quibusdam  contemptus  fuerit,  quasi  unus  quilibet  ex  vulgo  pastorum.  Fieri  etiam  potest  ut  de  eo  volitarent  querimoniae,  ipsum  plus  sibi  arrogare  quam  fas  esset,  quod  pastores  non  reciperet  nisi  suo  iudicio  probatos.  Hinc  colligere  licet,  Paulum  non  tam  privatim  scripsisse  Tito,  quam  publice  Cretensibus.  Neque  enim  probabile  est  Titum  reprehendi  quod  nimia  facilitate  indignos  eveheret  ad  episcopatum:  vel  illi,  tanquam  rudi  et  novitio,  praescribi  quo