47:401  401  CAPUT  XVIII.  402  cipuum  est,  negligunt.  Coinquinatis  et  infidelibus,  inquit  Paulus  (Tit.  1,  15),  nihil  mundum:  quia  pollutae  sunt  eorum  mentes.  Isti  vero  hypocritae  quum  malitia,  ambitione,  dolis,  crudelitate,  avaritia  scatentes  foetore  suo  coelum  et  terram  prope  inficerent,  sibi  tantum  ab  externis  inquinamentis  metuunt.  Ergo  ludibrium  minime  ferendum  est,  quod  Deum  placare  volunt,  modo  ne  ex  contactu  rei  immundae  sordes  contrahant,  verae  puritatis  obliti.  Altero  vitio  laborat  hypocrisis,  quod  caeremonias  anxie  colendo  res  maximas  secure  omittit.  Neque  enim  in  alium  finem  Iudaeis  mandabat  Dominus  ritus  illos,  qui  habentur  in  lege,  nisi  ut  ad  verae  sanctitatis  amorem  ac  studium  assuescerent.  Adde  quod  nusquam  in  lege  prohibitum  erat  domum  hominis  gentilis  ingredi,  sed  cautio  erat  a  patribus  tradita,  ne  quis  per  imprudentiam  ex  domo  immunda  aliquid  contagii  accerseret.  Boni  autem  isti  legis  interpretes  in  colando  culice  attenti  strenue  camelum  devorant.  Atque  hoc  hypocritis  ordinarium  est,  ut  maius  nefas  esse  ducant  pulicem  quam  hominem  occidere:  cui  vitio  affine  est  illud  alterum,  humanas  traditiones  sacris  Dei  mandatis  longe  praeferre.  Ergo  ut  rite  pascha  edant,  puros  se  servare  volunt:  caeterum  immunditiem  includunt  praetorii  parietibus,  interea  coelo  et  terra  testibus  innoxium  ad  mortem  flagitare  non  dubitant.  Denique  pascha  umbratile  ficta  et  fallaci  reverentia  colunt,  ipsum  autem  verum  pascha  non  modo  sacrilegis  manibus  violant,  sed  aeterno  interitu  quantum  in  se  est  obruere  conantur.  29.  Exivit  ergo  Pilatus  ad  eos.  Profanus  homo  superstitioni,  quam  ridet  ac  contemnit,  non  aegre  indulget.  Caeterum  in  ipso  causae  cardine  boni  iudicis  officio  fungitur,  quum  proferre  iubet,  si  quid  accusationis  habeant.  At  sacerdotes,  quasi  satis  autoritatis  habeant  ad  damnandum  quem  reum  faciunt,  nihil  aliud  respondent  quam  suo  praeiudicio  standum  esse.  Oblique  enim  de  Pilato  queruntur,  quia  non  satis  confidat  eorum  probitati.  Cur  non,  inquiunt,  ultro  persuasum  habes,  morte  dignum  esse  quem  nos  persequimur?  En,  quomodo  impii,  quos  Deus  in  sublimem  honoris  gradum  extulit,  splendore  suo  quasi  excaecati,  quidvis  sibi  permittant.  En  etiam  quam  temulenta  sit  superbia.  Christum  volunt  censeri  maleficum,  quia  eum  accusant.  Atqui  si  ad  rem  ventum  fuerit,  quaenam  eius  reperientur  maleficia,  nisi  quod  aegros  omne  genus  sanavit,  daemonia  fugavit  ex  hominibus,  paralyticos  et  claudos  erexit,  caecis  visum,  surdis  auditum,  mortuis  vitam  restituit?  Res  quidem  ita  habebat,  et  ipsi  plus  satis  convicti  erant.  Terum,  ut  nuper  dixi,  nihil  difficilius  est  quam  expergefieri  homines  superbia  ebrios,  ut  sana  et  composita  mente  iudicent.  31.  Secundum  legem  vestram.  Non  dubium  est  quin  Pilatus,  eorum  barbarie  et  violentia  offensus,  Calvini  opera.  Vol  XLVII.