41:401  401  SUR  LE  VI.  CHAP.  DE  DANIEL.  402  quelque  edict  qui  soit  contre  Dieu,  ou  qu'on  ait  fait  quelque  deliberation,  il  faut  que  cela  tienne.  Et  pourquoy?  On  veut  despiter  Dieu  d'une  arrogance  plus  que  diabolique.  Apres,  les  meschans  ont  ils  fait  quelque  complot?  encores  qu'ils  ne  fussent  que  deux  ou  trois,  si  est  ce  qu'ils  en  viendront  a  bout,  ils  gaigneront  tout,  il  y  en  aura  deux  douzaines,  qui  se  devroient  opposer.  Si  on  leur  demande,  pourquoy  ne  resistes  vous  a.  cela?  ils  ne  scavent,  ils  seront  la,  comme  si  on  leur  avoit  couppe  la  gorge,  ou  qu'on  leur  eust  donne  un  coup  de  massue  sur  la  teste,  mais  la  faute  procede  de  ce  que  nous  avons  desia  touche,  c'est  a  scavoir  qu'ils  ne  sont  point  fortifies  de  l'esprit  de  Dieu,  duquel  toute  vertu  et  puissance  procede,  et  ce  pendant  ils  se  flattent  en  leurs  infirmites,  ils  voient  bien  qu'ils  n'ont  point  une  goutte  de  force,  mesmes  qu'ils  en  sont  destitues  du  tout,  et  ne  cerchent  point  le  remede:  ils  devroient  demander  a  Dieu,  qu'il  les  fortifiast,  qu'il  leur  donnast  un  esprit,  pour  bien  gouverner.  Comme  sainct  Paul  dit,  que  c'est  un  don  special,  que  cestui  ci,  et  ce  pendant,  iis  n'en  tiennent  compte.  Voila  donc  pourquoy  ils  sont  ainsi  abatus,  et  Dieu  les  met  en  opprobre,  comme  iis  en  sont  dignes.  Or  tant  y  ha  encores  que  telles  gens  sont  dignes  de  pitie,  comme  quand  nous  lisons  cette  histoire  du  roy  Darius.  Il  est  vray  que  d'un  coste  nous  voions  qu'il  est  bien  loing  de  faire  office  de  roy,  car  ii  devoit  maintenir  la  iustice  de  Daniel  et  sa  bonne  cause,  et  il  ordonne  qu'il  soit  iette  en  la  fosse  des  lions.  Il  y  ha  bien  donc  cause  de  le  condamner  en  cela,  mais  quand  nous  voions  qu'il  se  tourmente  ainsi  apres  Daniel,  qu'on  voit  qu'il  desire  que  Dieu  le  sauve,  quand  il  ne  peut  pas  le  sauver  de  son  coste,  qu'il  en  laisse  tous  ses  plaisirs,  voire  iusqu'au  boire  et  au  manger,  quand  nous  voions  donc  une  telle  tristesse  en  un  roy  payen,  il  est  certain  qu'il  nous  faut  connoistre,  qu'il  y  avoit  quelque  bonne  semence  en  luy,  que  Dieu  y  avoit  mise,  on  voit  qu'il  peche  par  infirmite.  Ainsi  en  est  il  de  ceux  qui  ne  sont  point  menes  d'une  certaine  malice,  mais  n'ont  point  la  constance  telle  qu'ils  devroient,  pour  resister  au  mal,  et  pour  se  mettre  la  au  devant,  et  dire  qu'ils  l'empescheront,  et  ce  que  i'ay  desia  touche  se  voit,  par  ce  qui  est  ici  dit,  Daniel,  le  Dieu  que  tu  sers  tousiours,  sera  celuy  qui  te  delivrera.  Il  est  vray  de  prime  face,  qu'on  pourroit  estimer,  que  cecy  fust  dit  par  moquerie.  Le  roy  Darius  fait  semblant  de  consoler  Daniel,  luy  disant,  Dieu  te  sauvera,  voire  et  c'est  luy  qui  l'envoie  a  la  fosse  des  lions.  C'est  comme  si  un  iuge  mettoit  un  pauvre  homme,  entre  les  mains  d'un  bourreau,  et  qu'il  dit,  Dieu  te  sauvera.  Quand  un  iuge  parleroit  ainsi  comment  prendroit  en  son  propos,  sinon  comme  un  blaspheme,  qu'il  abuseroit  du  nom  de  Dieu,  quand  il  ne  luy  suffisoit  Calvini  opera.  Vol.  XLI.