32:401  401  PSALMUS  CXLIII.  402  mundo  :  sciebat  qualis  fuisset  Abrahae  integritas,  et  sanctorum  patrum:  quum  nec  sibi  nec  illis  parcat,  unum  omnibus  placandi  Dei  modum  definit,  ut  ad  eius  misericordiam  confugiant.  Unde  colligimus  quam  diabolicus  furor  eorum  mentes  occupet  qui  hodie  adhuc  de  perfecta  iustitia  garriunt,  ut  e  medio  tollatur  peccatorum  remissio.  Certe  nunquam  eo  superbiae  prorumperent,  nisi  bruto  Dei  contemptu  intus  referti.  Magnifice  regenerationem  extollunt,  ac  si  in  puritate  vitae  consisteret  totum  Christi  regnum.  Sed  quum  praecipuum  aeterni  foederis  caput  aboleant  de  gratuita  reconciliatione,  quam  quotidie  quaerere  iubentur  fideles,  seque  et  alios  inflent  vesano  et  plus  quam  ebrio  fastu,  barbariem  suam  produnt.  Sint  ergo  nobis  detestabiles,  sicuti  libenter  conspuerent  in  faciem  Dei.  Hoc  tamen  unum  nondum  sufficit:  quia  fatentur  etiam  papistae,  si  Deus  iudicis  partes  suscipiat  in  examinanda  hominum  vita,  omnes  subiacere  iustae  damnationi.  Et  in  hac  parte  saniores  sunt,  modestiores,  et  magis  sobrii,  quam  prodigiosi  isti  cyclopes,  de  quibus  loquutus  sum.  Sed  quamvis  non  sibi  arrogent  in  solidum  iustitiam:  dum  tamen  merita  sua  et  satisfactiones  obtrudunt,  longe  remoti  sunt  ab  exemplo  Davidis.  Defectum  aliquem  semper  agnoscunt  in  suis  operibus:  ideoque,  ut  gratiam  obtineant,  subsidium  advocant  misericordiae.  Atqui  inter  haec  duo,  quae  scriptura  inter  se  opponit,  nihil  est  medium,  Iustificari  operibus  et  Iustificari  fide.  Stulte  ergo  papistae  tertiam  comminiscuntur  iustitiam,  quam  partim  suis  operibus  acqnirant,  partim  Deus  pro  sua  indulgentia  imputet.  Et  certe  hic  David  neminem  mortalium  coram  Deo  staturum  affirmans,  si  opera  in  iudicium  vocentur,  non  fingit  duplicem  illam  iustitiam,  sed  recta  nos  ad  hanc  consequentiam  vocat,  Deum  nobis  fore  propitium  quatenus  est  misericors,  quia  evanescit  coram  eo  quidquid  iustitiae  se  afferre  homines  putabunt.  3.  (Quia  persequutus  est)  Postquam  confessus  ��St  David  iustas  se  poenas  luere  pro  peccatis  :  nunc  ad  hostes  suos  descendit,  a  quibus  exordium  facere  praepostera  fuisset  ratio.  Crudelitas  autem  ita  exprimitur,  quod  satiari  nequeant  nisi  exstincto  sancto  viro,  imo  se  iam  vita  spoliatum  dicit,  nisi  celeriter  Deus  succurrat.  Non  enim  simpliciter  se  comparat  homini  mortuo,  sed  putrido  cadaveri:  quia  per  mortuos  saeculi  intelligit  qui  pridem  sublati  sunt  e  mundo.  Atque  his  verbis  docet,  non  modo  in  morbo  letali  confidere  Deum  sibi  fore  medicum,  sed  quamvis  longa  oblivione  sepulta  esset  vita  sua,  in  Dei  tamen  manu  esse  resurrectionem  qua  cineres  in  vitam  restituat.  4.  Et  involvitur  super  me  spiritus  meus,  in  medio  mei  attonitum  est  cor  meum.  5.  Recordatus  sum  dierum  antiquorum,  meditatus  sum  in  omnibus  factis  Calvini  opera.  Vol  XXXII.