55:400  tius  sibi  divites  cavere  debent,  ne  quid  ex  hac  contagione,  quae  passim  grassatur  in  eorum  ordine,  contrahant.  7.  Bonum  nomen.  Non  dubito  quin  Dei  et  Christi  nomen  intelligat.  I  n  v  o  c  a  r  i  autem  dicit  super  fideles,  non  in  precibus,  ut  aliquando  scriptura  loqui  solet,  sed  ratione  professionis.  Quemadmodum  patris  nomen  super  sobolem  invocari  dicitur,  Genes.  48,  16.  Et  mariti  nomen  super  uxorem,  Iesa  4,  1.  Idem  ergo  est  ac  si  dixisset,  Bonum  nomen  quo  gloriamini,  vel  quo  censeri  vultis,  honoris  causa.  Quod  si  illi  Dei  gloriam  superbe  infamant:  quam  indigni  sunt  quibus  honorem  impendant  Christiani?  8.  Si  legem  quidem  regiam  perficitis,  iuxta  scripturam.  Diliges  proximum  tuum  sicut  te  ipsum:  benefacitis.  9.  Sin  personam  respicitis,  peccatum  committitis,  et  redarguimini  a  lege,  veluti  transgressores.  10.  Quisquis  enim  totam  legem  servaverit,  offenderit  autem  in  uno,  factus  est  omnium  reus.  l  l  .  Nam  qui  dixit:  Ne  moecheris,  dixit  etiam:  Ne  occidas.  Quod  si  non  fueris  moechatus,  occideris  tamen,  factus  es  transgressor  legis.  Sequitur  nunc  plenior  declaratio.  Causam  enim  proximae  reprehensionis  aperte  designat,  quia  non  ex  caritate  in  divites  officiosi  essent,  sed  potius  inani  captandae  gratiae  studio.  Est  autem  prolepsis,  in  qua  adversae  partis  excusationem  occupat.  Poterant  enim  excipere,  non  esse  culpandum  qui  se  humiliter  etiam  indignis  submittit.  Concedit  quidem  Iacobus  id  verum  esse:  sed  ab  illis  falso  praetexi  docet:  quia  tale  obsequium  non  proximis,  sed  personis  exhibeant.  Priore  inquam  membro,  recta  et  laude  digna  esse  agnoscit  quaecunque  caritatis  officia  in  proximos  conferimus.  Altero  negat  ambitiosam  personarum  acceptionem  in  eo  genere  debere  censeri:  quia  a  legis  regula  multum  absit.  Huius  autem  responsionis  cardo  in  nominibus  p  r  o  x  i  m  i  et  p  e  r  s  o  n  a  e  vertitur  :  ac  si  diceret,  Si  obtenditis  facto  vestro  caritatis  speciem,  facile  id  diluetur.  Deus  enim  proximos  iubet  diligere,  non  eligere  personas.  Porro  haec  vox  p  r  o  x  i  m  i  ,  totum  hominum  genus  comprehendit.  Qui  igitur  pauculos  suo  arbitrio,  aliis  praeteritis,  colendos  sibi  proponit,  non  Dei  legem  servat,  sed  pravo  animi  sui  studio  obsequitur.  Nominatim  Deus  et  alienos,  et  inimicos,  et  quicunque  alioqui  essent  contemptibiles,  nobis  commendat.  Huic  doctrinae  prorsus  contraria  est  personarum  acceptio.  Quare  merito  Iacobus  cum  caritate  pugnare  TcpoocoTtoXyj^iav  affirmat.  8.  Legem  regiam  perficitis.  Legem  pro  regnla  in  principio  sententiae  simpliciter  accipio  :  P  e  r  -  f  i  c  e  r  e  autem,  pro  sincera  animi  integritate  et  rotunde  (ut  aiunt)  servare.  Opponit  autem  partiali