54:400  mais  il  dit  qu'il  est  appele  de  Dieu.  Or  il  est  vray  que  sa  vocation  a  este  speciale  comme  d'un  Apostre:  mais  maintenant  Dieu  a  establi  un  ordre  qu'il  veut  qu'on  observe  en  son  Eglise.  Ceux  donc  qui  sont  choisis  selon  Dieu,  et  qui  demandent  de  servir  a  Dieu,  peuvent  dire  avec  sainct  Paul,  La  predication  m'est  commise.  Et  quand  ils  sont  reiettez,  ceste  iniure-la  s'addresse  a  Dieu,  et  non  point  a  leurs  personnes.  Mais  il  faut  que  ceci  se  face  en  authorite.  Car  les  seducteurs  pourront  bien  pretendre  la  couverture  du  nom  de  Dieu,  comme  ils  ont  fait  de  tout  temps:  mais  sainct  Paul  qui  a  declare  que  la  predication  luy  estoit  commise,  a  eu  de  bons  tesmoignages  et  infallibles.  Il  a  donc  falu  que  sa  doctrine  fust  authentique.  Or  notons  qu'il  n'a  point  seulement  parle  pour  un  temps,  mais  comme  la  verite  de  Dieu  est  permanente,  qu'auiourdhuy  il  nous  faut  appliquer  ces  titres  a  nostre  usage,  et  quand  nous  oyons  ce  qui  est  amene  de  sainct  Paul,  que  nous  ne  le  prenions  point  comme  quelque  doctrine  qui  aura  creu  au  cerveau  d'un  homme,  mais  que  nous  scachions  qu'il  est  instrument  de  l'Esprit  de  Dieu.  Pourquoy?  Car  la  predication  luy  est  commise,  et  il  s'en  est  acquitte  fidelement:  il  a  servi  a  Dieu,  dispensant  le  thresor  de  l'Evangile,  auquel  nous  avons  certitude  de  nostre  salut.  Puis  qu'ainsi  est  donc,  tenons-nous  a  ce  qui  est  escrit,  scachans  que  nostre  foy  alors  ne  sera  point  appuyee  sur  les  hommes.  Et  pour  conclusion  il  met  que  cela  est  selon  l'ordonnance  de  Dieu.  Ici  sainct  Paul  ne  veut  point  qu'on  regarde  a  sa  dignite.  Il  est  vray  qu'il  avoit  de  quoy  se  glorifier,  quand  il  eust  voulu,  ainsi  qu'il  le  monstre  quand  il  en  a  este  contraint:  que  s'il  y  a  eu  des  glorieux  qui  vouloyent  faire  trop  des  braves,  il  dit,  Si  ie  m'accompare  a  eux,  ie  ne  suis  point  en  rien  inferieur.  S'ils  disent,  Ie  suis  de  la  lignee  d'Abraham:  et  moy,  n'en  suis-ie  pas  aussi?  S'ils  disent  qu'ils  sont  clercs:  et  moy,  ne  suis-ie  point  docteur  en  la  Loy?  S'ils  se  vantent  de  leur  preud'hommie  et  de  leur  conversation,  on  scait  que  i'ay  este  irreprehensible  en  toute  ma  vie:  on  m'avoit  estime  un  sainct  homme  devant  que  ie  fusse  Chrestien:  ie  puis  alleguer  tout  cela,  dit-il:  Mais  quoy?  Toutes  ces  choses-la  me  sont  fiente  et  ordure,  depuis  que  Iesus  Christ  m'a  este  donne.  Car  i'ay  cognu  que  i'estoye  plonge  au  profond  d'enfer  avec  toute  ma  sagesse  et  sainctete,  que  i'ay  estime  tout  cela  perte  et  dommage,  afin  de  gagner  Iesus  Christ.  Brief,  sainct  Paul  a  este  en  cest  endroit  comme  un  homme  qui  sera  en  danger,  qui  quitte  tout  ce  qu'il  avoit  prise  auparavant,  afin  de  sauver  sa  vie,  qu'il  dit  qu'il  n'a  pas  peu  estre  sauve,  si  non  en  se  despouillant  de  tout  ce  qu'il  avoit  eu  cher  et  precieux,  afin  d'estre  enrichi  des  graces  de  nostre  Seigneur  Iesus  Christ.  Voila  donc  comme