47:400  guli  ordine  eum  rogassent,  millies  negare  non  dubitasset.  En  quorsum  praecipitet  Satan  miseros  homines,  postquam  eos  e  gradu  deiecit.  Notanda  etiam  est  circumstantia,  quam  alii  evangelistae  exprimunt,  nempe  quod  exsecratione  interposita  testatus  sit,  Christum  sibi  esse  incognitum.  Ita  quotidie  multis  accidit.  Initio  non  tam  gravis  erit  lapsus:  accedet  deinde  consuetudo,  postquam  sopita  fuerit  conscientia.  Tandem  qui  se  assuefecerit  ad  Dei  contemptum,  nihil  sibi  illicitum  ducet,  sed  extrema  quaeque  audebit.  Quare  nihil  melius  quam  sibi  in  tempore  cavere,  ne  vel  minimum  quidquam  sibi  indulgeat  qui  tentatur  a  Satana,  dum  adhuc  est  integer.  27.  Confestim  gallus  cecinit.  Galli  cantum  memorat  evangelista,  ut  sciamus  Petrum  divinitus  in  ipso  articulo  admonitum  fuisse:  ideo  alii  dicunt,  tunc  recordatum  fuisbe  verborum  Domini,  quanquam  narrat  Lucas  non  simplici  gallicinio  commotum  fuisse  Petrum,  donec  eum  Christus  adspexit.  Ita  quisquis  semel  Satanae  impulsu  ruere  coepit,  nulla  voce,  nullo  signo,  nulla  admonitione  revocabitur,  donec  oculos  in  eum  Dominus  ipse  coniiciat.  28.  Adducunt  ergo  Iesum  a  Caipha  in  praetorium.  Erat  autem  mane:  et  ipsi  non  introierunt  in  praetorium,  ut  ne  contaminarentur,  sed  ut  ederent  pascha.  29.  Exivit  ergo  Pilatus  ad  eos  et  dixit:  Quam  accusationem  affertis  contra  hominem  hunc?  30.  Responderunt  et  dixerunt  ei:  Si  non  esset  hic  maleficus,  non  tibi  tradidissemus  eum.  31.  Dixit  ergo  illis  Pilatus:  Accipite  eum  vos,  et  secundum  legem  vestram  iudicate  eum.  Dixerunt  ergo  ei  Iudaei:  Nobis  non  licet  interficere  quenquam,  32.  ut  sermo  Iesu  impleretur,  quem  dixerat,  significans  qua  morte  esset  moriturus.  28.  Adducunt  ergo  Iesum.  Ante  diluculum  examen  illud,  cuius  meminit  evangelista,  habitum  fuit.  Interea  non  dubium  est,  quin  sua  flabella  passim  habuerint  in  urbe,  quibus  plebem  accenderent.  Ita  repente  exarsit  populi  furor,  quasi  uni  omnium  consensu  deposceretur  Christus  ad  mortem.  Examen  vero  habitum  fuit  a  sacerdotibus,  non  quod  penes  ipsos  ferendae  sententiae  potestas  esset,  sed  ut  praeiudicio  suo  oppressum  iudici  traderent,  quasi  iam  satis  de  eo  cognitum  esset.  Praetorium  vocabant  Romani  tam  domum  praesidis  quam  tribunal,  ubi  exerceri  solebant  iudicia.  Ut  ne  contaminarentur.  Quod  ab  omni  inquinamento  abstinent,  ut  puri  secundum  legis  praescriptum  pascha  Domini  edant,  in  eo  quidem  probanda  est  religio.  Sed  duplex  vitium  est  ac  utrumque  nimis  crassum,  quod  non  cogitant,  plus  se  intus  pollutionis  ferre  quam  contrahere  possint  ex  ingressu  quantumvis  profani  loci:  deinde  quod  in  rebus  minutis  seduli  plus  quam  oportet,  quod  prae-