41:400  sont  encores  auiourd'huy  au  monde,  que  nous  prenons  en  patience,  car  ce  n'est  point  d'auiourd'huy  que  ce  mal  a  commence.  Et  au  reste,  que  ceux  qui  sont  constitues  en  estat  et  dignite,  qu'ils  prient  Dieu  qu'il  leur  face  la  grace  d'avoir  autant  de  vertu,  pour  reprimer  le  mal,  que  les  meschans  auront  pour  Padvancer.  Et  quand  les  princes,  et  gens  de  iustice  auront  fait  leur  devoir  en  cest  endroit,  que  tous  en  general  se  mettent  aussi  en  devoir  de  prier  Dieu,  qu'il  ne  permette  point  que  le  diable  ait  tellement  la  vogue  par  dessus  ceux  qui  nous  doivent  gouverner,  et  puis  qu'auiourd'huy  nous  voions  ce  vice  la  au  monde,  nous  prierons  Dieu  qu'il  luy  plaise  de  remedier  a  tous  ces  maux,  puis  que  c'est  luy  seul  qui  en  est  le  medecin.  Suivant  cette  saincte  doctrine,  nous  nous  prosternerons  devant  la  face  de  nostre  bon  Dieu,  etc.  SERMON  VIII  sur  le  Chap.  YI.  v.  16.21.  Nous  touchames  hier  comme  les  hommes  voudront  que  leurs  loix,  et  leurs  edicts  soient  observes,  qu'il  leur  semble  que  ce  soit  une  chose  insuportable,  si  on  ne  garde  en  tout  et  par  tout  ce  qu'ils  commandent,  et  ce  pendant  si  est  ce  toutefois  qu'ils  ne  laissent  point  de  transgresser  et  violer,  les  lois  et  statuts  des  Princes,  mais  il  ne  leur  chaut  de  toutes  les  fautes  qui  se  commettent,  sinon  quand  ils  auront  attente  quelque  chose  contre  Dieu,  par  arrogance  diabolique,  qu'ils  voudront  observer  tout  cela,  et  ne  pourront  souffrir  qu'on  le  transgresse  en  facon  que  ce  soit.  Voila  que  c'est  de  l'orgueil  de  ces  miserables  creatures.  Or  nous  monstrames  aussi  bien  quelle  est  la  facon  commune  du  monde,  c'est  k  scavoir  que  les  meschans  qui  sont  pousses  de  l'Esprit  du  diable,  pour  renverser  toute  equite  et  iustice,  ceux  la  auront  asses  de  courage,  qu'ils  seront  affectionnes  iusqu'au  bout,  et  poursuivront  leur  entreprise,  mieux  que  ne  feront  les  bons,  qui  de  fait  seroient  bien  contans  que  les  choses  fussent  bien  conduites.  Ceux  la  seront  si  froids,  que  c'est  pitie,  tellement  qu'une  douzaine  se  laissera  surmonter  par  un  seul.  Et  cela  nous  est  bien  declare  en  l'histoire  presente,  mais  nous  avons  tous  les  iours  la  pratique,  et  pleut  a  Dieu  qu'il  nous  fallut  chercher  les  exemples  plus  loin,  mais  quoy?  nous  voions  auiourd'huy  comme  on  s'y  gouverne,  que  s'il  y  ha  une  loy  qui  soit  bonne  et  saincte,  on  ne  fera  nulle  difficulte  qu'elle  soit  rompue,  tous  les  iours  Tordre  sera  renverse  et  aneanti,  et  comment?  Moiennant  qu'il  y  ait  quelque  petite  umbre  de  faveur,  c'est  tout  un,  et  au  contraire,  si  on  a  fait