7:40  Dei  docent:  ergo  per  illos  Deus  docet.  Sua  vero  si  illi  docere  velint,  nolite  audire,  nolite  facere.  Responde  quod  est  impossibile,  ecclesiam  aliud  docere  quam  voluntatem  Dei  :  quia  regitur  a  spiritu  sancto.  Probatur  et  alia  autoritate.  Quia  dictum  sit:  Obedite  praepositis  vestris.  Quod  autem  dicunt  Lutherani,  limitari  hoc  debere  ad  regulam  quae  tradita  est  praepositis  per  Petrum,  ut  non  exerceant  dominium  in  cleros,  et  quam  Paulus  se  servasse  dicit  ad  Corinthios,  quod  non  dominatus  sit  fidei  ipsorum,  hoc  nihil  est.  Quia,  etiam  si  male  faciant  praepositi  iubendo,  tamen  subditos  manet  obsequendi  necessitas.  Deinde  semper  oportet  redire  ad  principium  illud  :  Quia  sunt  ecclesia,  non  possunt  errare  in  determinationibus  morum.  Finaliter  probatur  ab  utilitate.  Quia  scandalosum  est  facere  magnas  mutationes.  Et  Solomon  vetat  transferri  antiquos  terminos,  quos  posuerunt  patres  nostris  Maior  autem  pars  observationum,  quibus  hodie  gubernatur  mundus,  sunt  ex  traditionibus  ecclesiae.  Ergo  non  esset  conveniens  neque  utile,  facere  tantam  confusionem,  omnia  mutando.  Adde  quod  faciunt  ad  decentiam  et  honestatem  morum.  Si  dicat  aliquis,  quod  per  hoc  non  ligant  conscientias,  respondeo,  hoc  fieri  per  acci  Iens,  propter  ratificationem.  Quia  ecclesia  hoc  intendit,  et  populus  consensit.  ANTIDOTUM.  Unus  est  legislator,  inquit  Iacobus,  qui  potest  salvare  et  perdere  (Iac.  4,  12).  Ratio  autem  duplex  est:  quod  et  Dei  voluntas  nobis  perfecta  est  omnis  iustitiae  et  sanctitatis  regula:  et  ipse  unus  imperium  habet  in  animas,  quod  nemini  resignat.  Itaque  Dominus  ubique  obedientiam  urget,  utque  sibi  soli  pareamus.  Unde  sunt  illae  voces:  Obedientia  melior,  quam  victimae  (1  Sam.  15,22).  Item:  Quod  praecipio  tibi,  hoc  observabis,  ut  facias.  Non  addes  quidquam,  nec  minues  (Deut.  4,  2;  12,  8.  32).  Item:  Non  faciat  quisque  quod  sibi  bonum  videbitur  :  sed  quod  praecipio  tibi,  hoc  tantum  facito.  Item:  Numquid  praecepi  patribus  vestris,  ut  mihi  offerrent  sacrificia,  et  non  hoc  potius,  audiendo  audite  vocem  meam  (Ier.  7,  21)?  Conscientias  autem  ullis  hominum  legibus  obstringi,  nefas  esse  pronunciat  Paulus.  In  libertate,  inquit,  qua  Christus  vocavit  vos,  state,  et  ne  rursus  iugo  servitutis  implicemini  (Gal.  5,  1).  Rationem  reddit  alibi.  Quia  etiam  quae  speciem  habent  sapientiae,  frivola  sunt  et  inania:  si  sunt  secundum  praecepta  et  traditiones  hominum  (Col.  2,  23).  Proinde  testatur,  se  nolle  iniicere  laqueum  fidelibus,  quum  tractat  de  coniugio  (1  Cor.  7,  35).  Violatur  ergo  spirituale  Christi  regnum,  et  suum  illi  ius  in  animas  eripitur,  quum  hoc  usurpant  homines,  ut  sibi  liceat  conscientias  suis  ipsorum  legibus  obstringere.  Praeterea  abominatio  est  coram  Deo,  cultum  illi