58:40  Il  s'ensuit  donc  qu'il  a  mis  en  Iacob  ce  qui  y  est,  et  qu'il  a  laisse  Esau  tel  que  sa  naissance  le  portoit.  Voila  aussi  pourquoy  il  est  dit  en  l'autre  passage  (Ephes.  1,  4),  que  Dieu  nous  a  esleuz,  afin  que  nous  fussions  saints  et  irreprehensibles  devant  lui.  Il  ne  dit  pas,  Pour-ce  que  Dieu  a  preveu  que  nous  devions  estre  saints,  il  nous  a  esleuz:  mais  au  contraire,  il  deduit  toute  nostre  sainctete  et  iustice,  et  tout  le  bien  qu'on  trouvera  en  nous,  il  le  deduit  de  ceste  source-la,  assavoir  de  l'election  de  Dieu,  a-ce  que  nous  cheminions  en  sa  crainte,  que  nous  aions  quelque  integrite  en  nous,  que  nous  aions  quelque  zele  et  affection  de  bien  faire.  Si  cela  est,  il  s'ensuit  que  Dieu  n'a  rien'*  preveu  en  nous.  Car  ostons  T  election,  que  restera-il?  Comme  nous  avons  monstre,  nous  demeurerons  tous  perdus  et  maudits,  et  non  sans  cause  :  car  Dieu  ne  voit  en  nous  que  corruption  :  il  faut  qu'il  nous  desavoue,  et  qu'il  nous  renonce,  comme  il  est  dit,  qu'il  s'est  repenti  d'avoir  fait  l'homme.  Voila  donc  ce  que  nous  pouvons  apporter  de  nostre  coste.  Ainsi  donc,  c'est  un  badinage  trop  frivole  de  dire  que  Dieu  eslit  les  siens  selon  qu'il  prevoit  qu'ils  seront  a  l'avenir:  car  il  faut  qu'il  y  mette  le  bien,  et  qu'il  l'y  mette,  pource  qu'il  les  a  eleus.  Voila  donc  le  premier  degre  par  lequel  il  nous  faut  commencer:  c'est  assavoir,  que  nous  ne  differons  en  rien  l'un  d'avec  l'autre,  sinon  d'autant  que  Dieu  nous  discerne.  Voila  aussi  pour  quelle  raison  sainct  Paul  aneantit  toute  gloire,  laquelle  Ies  hommes  se  pourroyent  usurper.  Qui  est  ce  qui  te  discerne,  dit  il  ?  Il  n'a  que  ce  mot  la,  pour  abbatre  et  aneantir  tout  orgueil.  Et  pourquoy?  Car  as-tu  rien  qui  te  soit  propre,  dit  il?  Par  cela  il  monstre  que  les  hommes  ne  peuvent  pas  choisir  leur  rang,  pour  dire,  Ie  me  disposeray  a  bien  faire  et  Dieu  aura  pitie  de  moy,  et  ie  parviendray  a  sa  grace:  i'auray  un  bon  mouvement,  i'auray  ceste  preparation.  Or  sainct  Paul  exclud  tout  cela,  en  disant  que  nous  sommes  tous  perdus,  que  pesle  mesle  il  nous  faudra  tous  estre  ruinez,  et  entrer  au  gouffre  d'enfer,  sinon  d'autant  qu'il  plaist  a  Dieu  de  nous  discerner.  Voila  d'ou  vient  toute  nostre  dignite  et  excellence:  C'est  d'autant  que  Dieu  nous  a  tendu  la  main.  Ainsi,  retenons  bien  ce  principe,  et  appliquons  toute  ceste  doctrine,  que  nous  avons  recitee,  a  ceste  fin-la,  comme  Dieu  nous  a  propose  un  miroir  en  Iacob  et  en  Esau.  Ainsi  donc,  maintenant  contentons-nous,  que  ces  deux  personnes  nous  soyent  comme  deux  images  vives,  pour  monstrer  que  le  monde  en  soy  est  d'une  condition  pareille:  mais  que  les  uns  sont  appelez,  et  les  autres  non,  pource  qu'il  plaist  ainsi  a  Dieu.  Et  notamment  (comme  i'ay  touche)  Iacob  a  este  le  puisne,  et  sembloit  bien  qu'il  deust  estre  assuietti  a  son  frere,  selon  l'ordre  de  nature:  cependant  le  voila  mis  au  degre  de  primogeniture  :  et  Esau  non  seulement  est  mis  en  bas,  mais  il  est