56:40  noise  contre  les  pasteurs  d'Isaac,  disans,  L'eau  est  nostre:  dout  il  appela  le  nom  du  puits,  Esec:  par  ce  qu'ils  avoyent  eu  dissension  avec  luy.  21.  Apres  fouyrent  un  autre  puits  pour  lequel  aussi  estriverent,  dont  appela  son  nom  Sitenach.  22.  Lors  se  transporta  de  la,  et  cava  un  autre  puits  pour  lequel  ils  n'eurent  point  de  noise,  dont  il  appela  son  nom  Rehoboth,  disant,  Pource  que  maintenant  l'Eternel  nous  a  eslargis,  et,  nous  a  fait  fructifier  en  la  terre.  23.  Puis  de  la  monta  en  Bersabe.  24.  Et  l'Eternel  luy  apparut  en  ceste  mesme  nuit,  disant,  Ie  suis  le  Dieu  d'Abraham  ton  pere  ne  crain  point:  car  ie  suis  avec  toy,  et  te  beniray,  et  multiplieray  ta  semence  a  cause  d'Abraham  mon  serviteur.  25.  Adonc  il  edifia  illee  un  autel,  et  invoqua  le  Nom  de  l'Eternel,  et  dressa  la  son  pavillon  :  et  les  serviteurs  d'Isaac  y  caverent  un  puits.  26.  Et  Abimelech  veint  a  luy  de  Gerar  et  Achuzat  son  ami,  et  Phicol,  prince  de  son  armee.  27.  Mais  Isaac  leur  dit,  Pour  quelle  raison  venez  vous  vers  moy,  veu  que  vous  me  hayez,  et  que  m'avez  deietto  arriere  de  vous  ?  28.  Et  ils  respondirent,  Nous  avons  apperceu  que  l'Eternel  estoit  avec  toy,  ainsi  nous  avons  dit,  Qu'il  y  ait  maintenant  serment  ensemble  entre  nous  et  toy,  traittons  alliance  avec  toy,  29.  Afin  que  tu  ne  nous  faces  mal:  si  comme  nous  ne  t'avons  point  attouche,  et  ainsi  que  ne  t'avons  fait  que  bien,  et  t'avons  laisse  aller  en  paix,  entant  que  tu  es  benit  de  l'Eternel.  30.  Adonc  il  leur  fit  un  banquet,  et  mangerent  et  beurent.  31.  Et  se  leverent  au  matin,  et  iurerent  l'un  a  l'autre.  Puis  Isaac  les  laissa  aller,  et  sen  allerent  d'avec  luy  en  paix.  32.  Or  adveint  en  ce  mesme  temps  que  les  serviteurs  d'Isaac  veinrent,  et  luy  annoncerent  des  nouvelles  du  puits,  qu'ils  avoyent  cave,  luy  disans,  Nous  avons  trouve  de  l'eau.  33.  Et  il  l'appela  Seba.  Pource  le  nom  de  la  ville  fut  dit  Ber-Seba,  iusqu'au  temps  present.  34.  Et  Esau  aage  de  quarante  ans  preint  a  femme  Iudith  la  fille  de  Beri  Hethien,  et  Basemath  fille  d'Elon  Hethien:  35.  Et  icelles  furent  en  fascherie  d'esprit  a  Isaac  et  Rebecca.  Chapitre  XXVII.  1.  Et  Isaac  devint  ancien,  et  ses  yeux  estoyent  esblouis  tellement  qu'il  ne  voyoit  goutte.  Lors  appela  Esau  son  fils  aisne,  et  luy  dit,  Mon  fils.  Et  il  luy  respondit,  Me  voici.  2.  Il  dit,  Voici  maintenant  ie  suis  devenu  vieil:  ie  ne  say  point  le  iour  de  ma  mort.  3.  Maintenant  donc  ie  te  prie,  pren  tes  instrumens,  ton  carquois,  et  ton  arc,  et  t'en  ya  par  les  champs  chasser  de  la  venaison  pour  moy.  4.  Et  m'appreste  viande  appetissante  comme  ie  l'aime:  puis  apporte-la  moy,  et  que  ie  la  mange,  a  celle  fin  que  mon  ame  te  benie  avant  que  ie