54:40  voit  que  beaucoup  de  gens  sont  prophanes,  et  voudroyent  que  l'Evangile  fust  aneanti:  les  autres  voudroyent  qu'on  le  preschast  seulement  par  ceremonie,  et  que  ce  fust  une  doctrine  morte:  mais  il��  ne  peuvent  porter  nulle  correction  que  ce  soit.  Les  autres  voudroyent  qu'il  n'y  eust  nulle  authorite  en  la  predication,  et  que  ce  fust  tout  un  quand  on  aura  presche,  comme  qui  auroit  ouy  une  harpe,  ou  une  fluste  sonner:  et  bien,  on  aura  les  aureilles  batues,  et  puis  c'est  tout.  On  voit  que  les  autres  ne  demandent  qu'a*  desguiser  les  choses,  mesmes  qu'ils  se  mocquent  comme  gens  effrontez  de  toute  bonne  doctrine,  et  comme  chiens  mastins  ne  cessent  d'abbayer  contre  la  verite  de  Dieu.  Voila  comme  auiourd'huy  l'Evangile  est  en  opprobre  et  en  mocquerie  plus  grande,  ie  di  mesmes  ou  il  est  presche,  qu'il  ne  seroit  point  au  milieu  de  la  Papaute  et  de  ce  gouffre  d'enfer.  Or  quand  les  choses  sont  telles,  qu'est-il  de  faire  sinon  que  nous  fermions  les  yeux  pour  n'avoir  point  honte  du  tesmoignage  de  Iesus  Christ?  C'est  a  dire,  puis  que  nostre  Seigneur  Iesus  approuve  son  Evangile,  que  c'est  un  thresor  precieux  devant  luy,  combien  qu'il  soit  reiette  des  hommes,  que  nous  le  magnifions,  faisans  ce  qui  nous  est  la  commande  de  Dieu,  et  ne  regardons  point  a  ce  que  le  monde  fait.  Et  notamment  sainct  Paul  aussi  parle  de  sa  personne:  pource  qu'alors  il  estoit  detenu  prisonnier,  prochain  de  aa  mort,  et  qu'on  pouvoit  reprocher  a  Timothee,  Et  tu  as  un  beau  maistre,  il  est  la  prisonnier,  on  le  menera  quelque  iour  au  gibet:  et  en  la  fin,  qu'est-ce  que  sa  doctrine?  Voila  quels  sont  les  iugemens  humains.  Or  sainct  Paul  monstre  qu'il  ne  faut  point  que  Timothee  s'amuse  a  ce  que  les  hommes  debagoulent:  car  ils  ne  demandent  sinon  quelque  couverture  de  se  mocquer  de  Dieu,  et  detracter  de  sa  doctrine.  Quand  donc  ils  voyent  quelque  changement,  alors  ils  prenent  plaisir  a  tout  embrouiller.  Pour  ceste  cause  sainct  Paul  dit,  qu'il  ne  faut  point  avoir  honte  des  persecutions  qu'endurent  les  serviteurs  de  Dieu,  ne  de  tous  les  blasphemes  qui  se  prononcent  contre  l'Evangile.  Car  il  nous  faut  regarder  a  ce  tesmoignage  que  nous  avons  du  ciel.  Voila  le  Fils  de  Dieu  qui  advoue  son  Evangile,  combien  qu'il  soit  en  mespris  et  opprobre.  N'ayons  donc  point  honte  de  l'advouer  avec  luy.  Et  au  reste,  quand  il  nous  fait  cest  honneur  que  nous  soyons  tesmoins  avec  luy,  de  quel  courage  nous  devons  nous  employer?  Car  voila  a  quelle  fin  il  a  constituez  des  pasteurs  en  son  Eglise,  Vous  serez  (dit-il)  tesmoins  avec  moy.  Puis  qu'ainsi  est,  apprenons  de  recognoistre  l'honneur  que  nous  fait  le  Fils  de  Dieu  quand  il  se  veut  servir  de  nous  en  une  charge  si  digne  et  si  noble:  c'est  que  nous  soyons  tesmoins  de  sa  verite,  et  que  nous  n'ayons  point  honte  de  communiquer  a  ce  qui  luy  est  tant  4Q