53:40  tant  et  plus,  mais  iusques  a  tant  que  Dieu  appercoive  en  nous  ceste  purete  de  coeur,  voila  toutes  nos  oeuvres  qui  seront  souillees.  Une  eau  pourra  bien  estre  claire,  si  la  source  en  est  vicieuse,  Peau  sera  amere  au  goust:  ainsi  en  est-il  de  toutes  nos  oeuvres.  Et  une  herbe  qui  sera  venimeuse,  ne  laissera  point  d'estre  belle  quelque  fois  et  de  produire  des  ueurs,  mais  elle  trompe  a  la  veue,  et  cependant  le  venin  est  la  cache:  ainsi  en  est-il  de  toute  la  beaute  qui  est  en  nos  oeuvres,  quand  nous  n'aurons  point  le  coeur  pur  et  net  devant  nostre  Dieu.  Mais  avons-nous  cela?  il  reste  que  nous  conversione  avec  nos  prochains  en  charite,  c'est  a  dire  que  nous  communiquions  tellement  par  ensemble,  que  nul  ne  soit  addonne  a  soy,  mais  que  nous  procurions  le  salut,  le  bien  et  le  profit  chacun  de  son  frere:  car  (comme  sainct  Paul  nous  declare  en  un  autre  lieu)  la  charite  ne  cherche  point  ce  qui  est  a  soy.  Ainsi  donc  si  elle  est  vive  en  nos  coeurs,  il  est  certain  que  nul  ne  sera  tellement  attache  a  son.  profit  particulier,  qu'il  ne  tasche  de  servir  a  ses  prochains:  et  si  nous  avons  ceste  affection-la,  ie  vou��  prie,  serons-nous  enflammez  d'avarice  pour  attirer  &  nous  la  substance  d'autruy?  Irons-nous  par  force  et  par  violence?  tascherons-nous  d'opprimer  nos  prochains,  et  leur  mettre  le  pied  sur  la  gorge  pour  avoir  tout  avantage  sur  eux?  Et  ainsi  que  nous  ne  soyons  point  comme  chiens  et  chats,  mais  qu'il  y  ait  une  telle  charite  en  nous,  que  nous  monstrions  que  ce  n'est  point  en  vain  que  Dieu  nous  a  unis  ensemble,  et  qu'il  veut  que  ceste  union  de  fraternite  qu'il  y  a  mise,  soit  entretenue:  et  que  cependant  nous  avisions  de  nous  dedier  tellement  au  service  de  nostre  Dieu,  que  tout  le  temps  de  nostre  vie  nous  ne  cherchions  sinon  de  l'honorer,  puis  qu'il  luy  a  pleu  nous  visiter  par  sa  misericorde  infinie,  et  qu'il  nous  a  voulu  recevoir  pour  ses  enfans,  afin  qu'il  nous  soit  Pere:  et  que  nous  ayons  une  vraye  fraternite,  communiquant  les  uns  avec  les  autres,  tellement  qu'un  chacun  ne  cherche  point  son  profit  particulier,  mais  que  nous  taschions  d'aider  et  secourir  les  uns  les  autres,  comme  Dieu  nous  a  conioints  ensemble  a  ceste  fin  et  condition.  Or  nous-nous  prosternerons  devant  la  face  de  nostre  bon  Dieu,  etc.