52:40  morae),  pastore  carerent  qui  recte  compositum  statum  tueretur.  Multis  autem  nominibus  Epaphroditum  ipsum  commendat:  quod  sit  frater  et  adiutor  in  negotio  evangelii,  quod  sit  commilito  suus.  Qua  voce  exprimit  qualis  sit  conditio  ministrorum  evangelii:  nempe  ut  in  continua  militia  versentur.  Neque  enim  patietur  ipsos  Satan  evangelium  absque  pugna  promovere.  Bellum  igitur  indictum  sibi  ac  paratum  sciant,  qui  ad  ecclesiae  aedificationem  se  accingunt.  Est  quidem  hoc  Christianis  omnibus  commune,  mere  re  in  Cbristi  castris:  quia  omnium  hostis  est  Satan.  Verum  prae  aliis  speciale  id  verbi  ministris,  qui  ordines  ducunt  ac  praeferunt  vexillum.  Praecipue  tamen  iactare  sua  stipendia  licuit  Paulo,  qui  omni  genere  praeliorum  usque  ad  miraculum  exercitatus  fuit.  Laudat  igitur  Epaphroditum,  quod  suorum  certaminum  socius  fuerit.  Nomen  apostoli  hic  generaliter  (ut  multis  aliis  locis)  capitur  pro  quolibet  evangelista.  Nisi1)  quis  malit  pro  legata  a  Philippensibus  misso  accipere:  ut  coniunctim  legantur  haec  duo,  legatus  ad  ministerium  Paulo  exhibendum.  Sed  prior  sensus  melius  (meo  iudicio)  convenit.  Ponit  etiam  inter  eius  laudes,  quod  sibi  in  carcere  ministraverit:  qua  de  re  mox  plenius  dicetur.  26.  Desiderabat  vos.  Signum  veri  pastoris  quod  quum  procul  abesset,  pioque  officio  volens  distineretur,  tamen  afficiebatur  gregis  sui  cura  et  desiderio:  quumque  intelligeret  sua  causa  tristes  esse  oves,  anxius  erat  ipsarum  dolore.  Vicissim  pia  Philippensium  sollicitudo  pro  pastore  suo  indicatur��  27.  Sed  Deus  misertus  est  illius.  Gravitatem  morbi  expresserat,  quod  usque  ad  desperationem  vitae  aegrotasset  Epaphrodito:  ut  clarius  enitere*  Dei  bonitas  in  reddita  sanitate.  Sed  mirum  est,  apostolum  prorogatum  Epaphrodito  vitae  tempus  deputare  in  Dei  misericordia:  quum  ante  testatus  sit  mortem  se  praeoptare.  Et  quid  melius  nobis  quam  ex  tot  mundi  aerumnis  liberatos  migrare  in  regnum  Dei?  Praecipue  vero  ereptos  ex  peccati  servitute,  in  qua  se  miserum  esse  alibi  (Rom.  7,  24)  exclamat,  plenius  frui  libertate  spiritus,  qua  adhaereamus  filio  Dei.  Longum  esset  enumerare  omnia  quae  faciunt  ut  mors  fidelibus  potior  sit  vita  et  optabilior.  Qualis  igitur  Dei  misericordia,  quum  nihil  quam  miserias  nostras  prorogat?  Respondeo,  haec  omnia  non  efficere  quin  tamen  vita  haec  per  se  aestimata  praeclarum  sit  Dei  beneficium.  Praesertim  qui  Christo  vivunt,  feliciter  hic  in  spem  coelestis  gloriae  exercentur:  ideoque  iis  vitam  lucro  esse,2)  paulo  ante  vidimus.  Deinde  aliud  etiam  considerandum  est,  non  esse  parvam  dignationem  quum  se  Deus  in  nobis  glorificat.  Non  tam  enim  respicere  vitam  ipsam  convenit,  quam  vivendi  finem.  l)  Haec  iam  a.  1551  inserta  leguntur.  *)  dico