[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


49:40  17.  Ecce  tu  Iudaeus.  In  vetustis  quibusdam  exemplaribus1)  legitur  t  oe,  si  vero:  quod  si  tam  receptum  foret2),  mihi  probaretur  magis:  sed  quoniam  maior  codicum  numerus  reclamat3),  et  aliter  non  male  constare  potest  sensus,  retineo  veterem  lectionem  :  praesertim  quum  leee  sit  particulae  unius  momentum.  Nunc  autem  expedita  gentium  causa,  redit  ad  Iudaeos:  quorum  ut  omnem  vanitatem  fortius  retundat,  permittit  illis  omnia  quibus  efferebantur  ac  inflati  erant4).  Deinde  quam  non  sufficiant  ad  veram  gloriam,  demonstrat:  imo  in  quantum  illis  cedant  opprobrium.  Sub  Iudaei  nomine  comprehendit  omnes  gentis  praerogativas,  quas  ex  lege  et  prophetis  petitas  falso  praetendebant.  Atque  ita  Israelitas  omnes  intelligit,  qui  omnes  tunc  promiscue  Iudaei  vocabantur.  Porro  quo  primum  tempore  haec  appellatio  coeperit,  incertum  est:  nisi  quod  omnino  post  dispersionem  coepit.  Iosephus  undecimo  Antiquitatum,  putat  a  Iuda  Machabaeo  sumptam  :  cuius  auspiciis  libertas  et  dignitas  populi,  quum  aliquamdiu  collapsa  et  paene  sepulta  fuisset,  respiravit.  Hanc  sententiam^  tametsi  video  esse  probabilem,  si  qui  tamen  sunt  quibus  non  satisfaciat,  afferam  a  me  quoque  alteram  coniecturam.  Verisimile  mihi  certe  videtur,  quum  tot  cladibus  deformati  ac  dissipati  forent,  ne  certam  quidem  tribuum  distinctionem  potuisse  retinere.  Nam  nec  suo  tempore  census  fieri  poterat:  nec  stabat  politia,  quae  necessaria  erat  ad  ordinem  eiusmodi  conservandum  :  et  fusi  palatique  habitabant:  et  rebus  adversis  attriti  minus  procul  dubio  ad  cognationem  suam  recensendam  attenti  erant.  Verum  ut  haec  mihi  non  concedas,  quin  tamen  impenderet  ex  tanta  rerum  pertubatione  eiusmodi  periculum,  non  negabis.  Sive  igitur  in  posterum  prospicere  voluerint,  sive  accepto  iam  malo  succurrere,  puto  simul  omnes  se  ad  nomen  eius  tribus  contulisse  in  qua  religionis  puritas  diutius  steterat,  quae  singulari  praerogativa  omnes  reliquas  anteibat,  ex  qua  redemptor  exspectabatur  proditurus.  Siquidem  hoc*  erat  in  rebus  ultimis  suffugium,  Messiae  exspectatione  se  consolari.  Utcunque  sit,  Iudaeorum  cognomine  se  foederis  esse  haeredes  profitebantur,  quod  Dominus  cum  Abraham  et  semine  eius  pepigerat.  Et  acquiescis  in  lege,  et  gloriaris  in  Deo.  Non  intelligit  eos  acquievisse  in  studio  legis,  ac  si  animum  ad  eius  observationem  applicassent:  sed  potius*  exprobrat,  quod  non  attendentes  quem  in  finem  data  lex  fuisset,  omissa  observationis  cura,  hoc  uno  turgerent,  quia  persuasi  erant5)  ad  se  pertinere  Dei  oracula.  Similiter  de  Deo  gloriabantur,  non  qua-  1)  Apud  alios  2)  haberetur  in  nostris  codicibus  3)  omnia  quae  apud  nos  exstant  exemplaria  reclamant  4)  intumescebant.  5)  fuisse  inflatos  quod  pertinerent.  39  

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci