45:40  piorum  filiis  Deus  inspirat.  Neque  enim  hic  notatur  gratiae  initium,  quasi  Deus  e  coelo  otiosus  speculetur,  quinam  ea  digni  sint,  sed  tantum  hypocritis  excutitur  perversa  securitas,  ne  Deum  sibi  obstrictum  esse  putent,  quia  carnales  sunt  sanctorum  filii:  quum  divini  foederis  longe  alius  sit  finis  et  diversa  conditio,  nempe  ut  aliquem  semper  in  mundo  populum  habeat,  a  quo  pure  colatur.  LUC.  I.  51.  Fecit  potentiam  in  brachio  suo:  dispersit  superbos  cogitatione  cordis  ipsorum.  52.  Detraxit  primates  ex  soliis,  et  exaltavit  humiles.  53.  Esurientes  implevit  bonis,  et  divites  dimisit  inanes.  54.  Suscepit  Israel  puerum  suum^  ut  memor  esset  misericordiae:  55.  Quemadmodum  loquutus  est  ad  patres  nostros,  Abrahae  et  semini  eius  in  saeculum��  51.  Fecit  potentiam.  Perinde  valet  ac  si  dixisset,  potenter  operatus  est:  brachium  autem  Dei  omnibus  aliis  adminiculis  opponitur,  sicuti  apud  Iesaiam,  cap.  59,  16,  Respexit  Deus,  et  nemo  fuit  adiutor:  itaque  salutem  illi  peperit  brachium  eius,  et  iustitiam  suam  pro  fultura  habuit.  Intelligit  ergo  Maria,  Deum  sua  unius  virtute  contentum  nullos  adhibuisse  operis  socios,  nullos  vocasse  ad  opem  sibi  ferendam.  Quod  continuo  post  sequitur  de  superbis,  videri  potest  additum  ob  duas  causas:  tum  quia  nihil  proficiunt  superbi,  qui  gigantum  more  Deo  resistere  conantur,  tum  quia  non  explicat  Deus  brachii  sui  potentiam  nisi  in  salutem  humilium,  superbos  vero,  qui  sibi  multum  arrogant,  deiicit:  quo  pertinet  illa  Petri  exhortatio,  Humiliamini  sub  potenti  Dei  manu,  ete  (1.  Petr.  5,  6).  Est  autem  notatu  digna  loquutio,  dispergi  superbos  cogitatione  cordis.  Nam,  ut  immanis  est  eorum  superbia  et  ambitio,  ut  est  cupiditas  insatiabilis,  in  capiendis  consiliis  quasi  immensam  molem  coagmentant,  atque,  ut  uno  verbo  dicam,  aedificant  turrem  Babel.  Nam  minime  contenti  stulte  hoc  vel  illud  supra  vires  tentasse,  novas  subinde  insanae  audaciae  consultationes  prioribus  accumulant.  Postquam  Deus  aliquamdiu  tacitus  e  coelo  derisit  praeclaros  eorum  apparatus,  totam  illam  congeriem  repente  dissipat:  quemadmodum  si  quis,  diruto  aedificio,  quae  prius  firma  solidaque  commissura  inter  se  compacta  erant,  in  plagas  diversas  longe  dispergat.  52.  Detraxit  primates.  Ita  vertere  placuit,  ut  tollatur  ambiguitas.  Nam  etsi  dynastae  Graecis  vocantur  a  potentia,  sunt  tamen  praefecti  et  summi  magistratus.  Potentes  vero  multi  participium  esse  putant.  Eos  detrahi  e  soliis  praedicat  Maria,  ut  in  eorum  locum  evehantur  obscuri  et  ignobiles:  ita  Dei  providentiae  et  iudiciis  tribuit,  quod  profani  homines  vocant  ludum  fortunae.  Sciamus  tamen,