44:40  bro  potentiam  suam  commendat,  ut  sciant  Iudaei  praeditum  esse  ipsum  virtute:  deinde  bonitatem  suam  coniungit,  eo  quod  populum  illum  adoptasset.  Sensus  ergo  est,  Deum  per  vitam  suam  iurare:  et  ne  frustra  hoc  fieri  putent  Iudaei,  proponi  in  medium  potentiam  eius:  deinde  gratiam  adiungit.  Moab,  inquit,  erit  instar  Sodomae,  et  filii  Ammon  instar  Gomorrhae:  nempe  in  productionem  urticae  et  fodinam  salis:  hoc  est,  redigentur  terrae  illae  in  solitudinem,  vel  prorsus  erunt  steriles,  ut  nihil  illic  oriatur  praeter  urticas,  sicuti  accidere  solet  locis  desertis.  Quantum  ad  fodinam  salis  spectat,  loquutio  haec  satis  frequenter  occurrit  in  scriptura.  Ergo  salsugo  sterilitatem  denotat  Hebraeis.  Et  addit  propheta  hoc  non  fore  ad  tempus  exiguum  duntaxat.  Erit,  inquit,  perpetua  vastitas.  Adiungit  hoc  fore  in  utilitatem  ecclesiae.  Reliquiae  enim  populi  mei  diripient  eos,  inquit,  et  residuum  gentis  meae  possidebit  eos.  Loquitur  semper  de  reliquiis,  quia  sicuti  heri  dictum  fuit,  necesse  erat  sordibus  purgari  populum  illum,  ita  ut  maneret  tantum  exigua  portio.  Et  scimus  ab  exsilio  non  multos  fuisse  reversos.  Summa  est:  quamvis  Deus  statuerit  ecclesiam  suam  imminuere,  ut  pauci  tantum  supersint:  tamen  paucos  illos  fore  haeredes  totius  terrae,  et  potituros  imperio,  ubi  Deus  vindictam  sumpserit  de  omnibus  eorum  inimicis.  Ideo  sequitur  apud  prophetam,  Hoc  illis  pro  superbia  ipsorum,  inquit.  Videmus  ut  prophetae  consilium  sit,  tollere  quidquid  erat  acerbitatis  quum  Iudaei  viderent  tam  petulanter  se  traduci  a  suis  hostibus.  Quum  ergo  promptum  esset  animos  deiicere,  ut  heri  dictum  fuit,  nihil  esse  molestius  quam  ferre  contumelias:  ideo  hic  diserte  pronuntiat  Deus,  quod  superbe  insultant  vicini  Iudaeis,  hoc  ipsis  exitiale  fore:  sicuti  ruinam  praecedit  superbia,  dicit  Solomon  (Prov.  16,  18).  Et  iterum  confirmat  quod  nuper  attigerat,  nempe  non  posse  Iudaeos  impune  laedi,  quoniam  Deus  susceperat  eos  in  fidem  suamr  eratque  ipsorum  protector.  Quoniam  ergo  exprobrarunt  et  insultarunt  super  populum  Iehovae  exercituum.  Poterat  dicere,  Super  populum  meum^  quemadmodum  proximo  versu:  sed  amplificatio  subest  in  his  verbis:  quasi  diceret  propheta  non  esse  illis  bellum  cum  mortalibus,  sed  cum  Deo  ipso>  cuius  maiestas  laesa  fuerat,  quum  tam  iniuste  oppressi  fuissent  Iudaei.  Sequitur:  l  l  .  Terribilis  Iehova  super  eos,  quia  consumpsit  omnes  deos  terrae:  et  adorabit  e%m  quisque  ex  loco  suo,  omnes  insulae  gentium.  Prosequitur  eandem  sententiam,  quod  scilicet  Deus  virtutem  suam  proferet  in  auxilium  populi  sui.  Nominat  vero  Deum  terribilem,  qui  patienter  ad  tempus  tulerat  hostium  proterviam:  atque  ita