42:40  hommes,  et  c'est  une  chose  bien  a  deplorer  que  cette  la,  et  non  seulement  nous  voions  cette  ingratitude  et  desloiaute  aux  royaumes  et  en  estat  de  iustice,  mais  aussi  bien  en  ce  regime  ecclesiastique,  la  ou  nostre  Seigneur  devroit  estre  ouy,  et  escoute,  la  ou  Dieu  doit  estre  conneu  et  adore  par  sa  parole,  comment  seroit  il  possible  de  iamais  ouyr  un  estat  plus  abominable,  et  plus  enorme  que  celuy  de  la  papaute.  Voila  une  confusion  si  exorbitante  que  rien  plus,  et  toutesfois  nous  oions  sous  quelle  couleur  le  pape  domine,  car  il  s'appele  vicaire  de  Iesus  Christ,  successeur  de  sainct  Pierre,  et  cela  ne  luy  couste  rien.  Ainsi  donc  nous  avons  a  deplorer,  et  puis  a  detester  la  malice  des  hommes,  qui  abusent  ainsi  de  la  grace  de  Dieu,  et  pervertissent  les  moiens  qu'il  avoit  ordonnes  pour  le  salut  de  son  peuple.  Or  il  faut  qu'un  chacun  applique  ceci  a  son  usage  et  selon  que  Dieu  nous  appele  en  quelque  charge  et  office,  nous  gardions  bien  de  nous  eslever  en  telle  fierte,  que  nous  soions  coulpables  d'avoir  commis  un  tel  sacrilege,  c'est  assavoir  de  polluer  le  siege  que  Dieu  avoit  dedie  a  son  honneur,  et  au  reste  qu'un  chacun  pense  a  soy,  encores  qu'il  ne  soit  ne  roy  ne  prince,  encores  qu'il  n'ait  point  de  charge  publicque  pour  gouverner  l'Eglise  de  Dieu,  si  est-ce  qu'il  pourra  estre  mari,  il  pourra  estre  pere,  il  pourra  avoir  quelque  mesnage.  Ainsi  donc  que  un  homme  vivant  avec  sa  femme,  regarde  bien  a  quelle  condition  c'est  que  Dieu  luy  ha  donne  une  femme  pour  gouverner,  que  la  femme  aussi  face  le  semblable,  que  tout  tende  a  Dieu,  tellement  que  par  nos  peches  il  n'y  ait  point  une  pollution  pour  corrompre  et  pervertir  ce  qui  a  este  institue  a  nostre  bien  et  a  nostre  salut.  Or  cependant  si  on  void  auiourd'huy  de  grandes  tirannies  et  cruautes  que  le  pauvre  peuple  soit  moleste  et  tourmente  iusques  au  bout,  que  l'avarice  regne  en  telle  sorte  qu'il  y  ait  des  tributs  et  des  tailles  extraordinaires,  connoissons  que  cela  n'est  point  nouveau,  et  que  les  roys  ont  tousiours  usurpe  une  telle  tirannie  sur  le  peuple,  et  toutesfois  cela  est  il  a  supporter?  Ce  n'est  pas  a  dire  que  les  roys  et  les  princes  n'offencent  grandement  en  ce  faisant,  mais  toutesfois  Dieu  veut  punir  cependant  les  peches  du  peuple,  quand  il  est  ainsi  greve  de  charges  et  d'impositions  insupportables.  Voila  ce  que  nous  avons  a  noter  sur  ce  passage,  quand  ii  est  parle  du  roy  Seleuche,  qui  ha  fait  passer  Pexacteur,  c'est  a  dire  qu'il  ha  impose  des  tailles  et  des  tributs,  tels  qu'auparavant  on  n'en  avoit  point  oui  parler  de  semblables.  Et  auiourd'huy  ne  voions  nous  point  cela,  car  si  on  fait  comparaison  des  tailles  et  impots  qu'on  fait  maintenant  a  celles  qu'on  faisoit,  il  y  ha  vint  ou  trente  ans,  on  trouvera  qu'elles  sont  augmentees  de  la  moitie,  et  si  nous  allons  plus  loing,  que  nous  facions  com-