35:40  hommes.  Et  combien  qu'en  particulier  nous  attribuons  a  chacun  l'honneur  qui  luy  appartient,  et  qu'il  merite:  que  nous  ne  laissions  pas  de  tousiours  franchement  parler  sans  acception  de  personnes:  comme  nous  savons  que  Dieu  veut  quand  nous  parlons  en  son  nom,  que  ce  soit  sans  feintise.  Si  donc  nous  voulons  faire  a  Dieu  l'honneur  qu'il  requiert,  et  duquel  il  est  digne,  il  faut  que  nous  tranchions  franchement  le  propos  quand  nous  parlons  aux  hommes:  et  (comme  i'ay  dit)  cela  n'empeschera  point  que  l'honneur  ne  soit  rendu  a��  un  chacun.  Mais  tant  y  a,  que  si  ne  faut-il  point,  que  nous  ayons  la  bouche  close,  mais  que  nous  suivions  tousiours  chacun  sa  vocation,  et  que  quand  il  sera  question  de  parler,  nous  parlions  en  verite.  Voila  donc  ce  que  nous  avons  a  retenir  en  somme  de  ceste  derniere  sentence  d'Eliu:  afin  que  ceux  qui  sont  en  charge  publique,  regardent  bien  de  parler  franchement  comme  ils  doyvent  :  et  aussi  que  chacun  (combien  que  tous  n'ayent  point  l'office  d'enseigner,  ne  de  prononcer  sentence  en  public)  neantmoins  quand  nous  serons  requis  de  dire  la  verite,  que  nous  la  confessions  franchement:  sachans  que  Dieu  accepte  cela,  comme  un  sacrifice  d'honneur  qui  luy  est  rendu.  Et  que  si  nous  faisons  cela,  que  ce  ne  soit  point  seulement  pour  observer  la  regle  qu'il  nous  a  donnee,  mais  que  ce  soit  pour  l'adorer  et  l'eslever  par  dessus  toutes  creatures.  Or  nous-nous  prosternerons  devant  la  face  de  nostre  bon  Dieu,  etc.  LE  CENT  ET  YINGTDEUXIEME  SERMON,  QUI  EST  LE  I.  SUR  LE  XXXIII.  CHAPITRE.  Ce  sermon  est  encores  sur  les  trois  derniers  versets  du  chapitre  precedant,  et  puis  sur  le  texte  ici  adiouste.  1.  Pourtant  Iob  oy  mes  propos,  et  enten  toutes  mes  paroles.  2.  Voici  i'ay  ouvert  ma  bouche,  ma  langue  parlera  en  mon  palais.  3.  Mes  paroles  sont  la  droiture  de  mon  coeur,  et  mes  levres  prononceront  doctrine  pure.  4.  U  Esprit  de  Dieu  m'a  cree,  et  le  souffle  du  Toutpuissant  m'a  vivifie.  5.  Si  tu  peux,  respon  moy,  et  fadresses  ici  contre  moy,  et  que  tu  debates  vaillamment  ta  cause.  6.  Voici,  ie  suis  envers  Dieu  comme  toy  (ou  selon  ta  bouche)  ie  suis  forme  aussi  bien  de  boue.  7.  Il  n'y  a  point  crainte  de  moy  pour  te  troubler,  et  encores  que  ie  te  presse,  ce  ne  te  sera  point  un  fardeau  pesant.  Nous  avons  commence  a  deduire  ceste  protestation  que  faisoit  Eliu,  de  parler  droitement  sans  avoir  esgard  a  l'homme  mortel:  et  (comme  il  a  este  declare)  il  faut  bien  qu'un  homme  qui  voudra  parler  droitement  selon  Dieu,  ait  les  yeux  fermez  pour  n'accepter  point  les  personnes:  car  si  nous  sommes  menez  ou  de  haine  ou  de  faveur,  il  n'y  aura  rien  de  bien  regle  en  nous,  il  n'y  aura  plus  que  trouble.  Sur  tout  quand  il  est  question  d'enseigner  au  nom  de  Dieu,  il  faut  bien  adviser  que  nous  soyons  destournez  de  toute  affection  charnelle.  Et  notamment  Eliu  disoit,  Que  Dieu  le  pourroit  exterminer,  s'il