29:40  pechez  nous  allons  nous  descouvrir,  nous  exposans  en  proye  a  Satan  et  a  tout  mal.  Ainsi  donc  il  nous  faut  conclurre,  quand  nostre  Seigneur  nous  est  ainsi  contraire,  que  c'est  a  cause  de  nos  pechez.  Et  pourquoy?  Car  sa  force  n'est  point  amoindrie,  (comme  il  dit  au  Prophete  Isaie).  Pourquoy  pourrissons-  nous  ainsi  cn  nos  miseres?  Est-ce  que  Dieu  ait  les  aureilles  sourdes,  et  qu'il  n'exauce  plus  ceux  qui  l'invoquent,  que  son  bras  soit  rompu,  et  qu'il  ne  les  puisse  aider  comme  du  commencement?  Nenni,  nenni:  mais  c'est  que  nos  pechez  ont  mis  barre  entre  luy  et  nous,  et  que  nous  ne  sommes  pas  dignes  d'approcher  de  luy,  afin  de  sentir  son  secours  comme  auparavant.  Et  au  reste  Moyse  par  comparaison  pieque  encores  plus  au  vif  les  enfans  d'Israel,  quand  il  dit,  que  les  ennemis  en  sont  iuges.  Et  par  cela  il  signifie  que  les  bestes  y  mordroyent,  comme  on  dit  en  proverbe,  que  les  aveugles  en  tastant  en  pourroyent  iuger.  Or  qui  estoyent  les  ennemis  du  peuple  d'Israel  en  ce  temps-la,  sinon  les  incredules,  ceux  qui  n'avoyent  nulle  estincelle  de  clarte,  ceux  qui  estoyent  abrutis  en  leurs  superstitions?  Et  comment  donc  pouvoyent-ils  iuger  de  la  puissance  de  Dieu?  pource  qu'elle  estoit  si  patente  qu'il  ne  falloit  pas  si  grande  raison  pour  la  cognoistre.  Ainsi  en  somme  Moyse  dit  ici,  que  Dieu  avoit  tellement  fait  sentir  sa  vertu  en  sauvant  son  peuple,  que  non  seulement  ceux  qui  estoyent  illuminez  par  le  S.  Esprit  pouvoyent  appercevoir  cela,  mais  les  plus  brutaux  du  monde.  Et  de  faict  quels  sont  les  miracles  que  Dieu  a  faicts  quand  ii  a  delivre  son  peuple  du  pais  d'Egypte,  et  quand  il  Fa  conduit  la  par  la  desert?  Faut-il  que  nous  soyons  fort  aigus  pour  comprendre  une  puissance  admirable,  et  qui  nous  ravisse  en  estonnement?  Nenni:  mais  d'autant  que  Dieu  s'est  la  declaire  d'une  facon  si  patente,  il  faut  que  grands  et  petis,  les  plus  rudes  du  monde  cognoissent:  C'est  Dieu.  Et  ainsi  donc  quand  la  parolle  est  coniointe  avec  l'experience,  et  que  Dieu  nous  donne  comme  des  lunettes  pour  nous  aider,  si  nous  avons  les  yeux  foibles  ou  troubles,  que  sa  parolle  nous  guide,  pour  nous  monstrer  comme  nous  devons  cognoistre  sa  vertu  envers  nous  :  y  aura-il  nulle  excuse  ?  Car  les  Payens  mesmes  en  devroyent  estre  iuges  ou  tesmoins,  qu'il  ne  faut  pas  que  nous  alleguions:  O  voila,  il  est  vray  que  Dieu  a  besongne,  et  nous  le  devrions  sentir.  Mais  quoy?  Nous  ne  l'avons  point  apperceu:  car  ii  a  use  de  facons  tant  obscures,  que  nous  n'y  pouvons  parvenir.  Or  Dieu  nous  declaire  que  si  nous  n'avions  ceste  malice  en  nous,  de  fermer  les  yeux,  de  boucher  nos  aureilles,  d'abrutir  tous  nos  sens  quand  il  nous  monstre  les  signes  de  sa  bonte  et  misericorde,  que  nous  y  devrions  toucher  a  la  main,  encores  que  nous  n'eussions  point  les  yeux  pour  y  regarder.  Et  a  l'opposite  quand  il