28:40  qui  estoyent  pour  lier,  afin  que  les  robes  couvrissent  tout  le  corps.  Car  si  elles  eussent  este  fendues  ainsi  par  les  deux  coins  sans  estre  liees,  c'estoit  une  chose  mal  convenable.  Cela  donc  pouvoit  bien  servir  a  l'honnestete:  mais  il  y  a  une  raison  plus  haute,  comme  il  est  exprime  en  ce  15.  des  Nombres:  c'est  que  Dieu  vouloit  signifier:  Regarde,  quand  un  homme  aura  les  iambes  libres  et  desliees,  et  bien  il  s'esgaye,  il  sautelle:  mais  ton  Dieu  veut  que  tu  ayes  ainsi  des  chordons:  et  quand  ils  sont  ainsi  attachez,  c'est  pour  monstrer  qu'il  te  faut  tellement  mesurer  tous  tes  pas,  que  tousiours  la  Loy  de  Dieu  te  reigle,  et  que  tu  Pobserves  en  tout  et  par  tout,  et  que  tu  n'en  sois  point  destourne.  Voila  donc  ce  que  nous  avons  a  retenir  en  somme  de  ce  passage.  Or  ceste  ceremonie  n'est  plus  en  usage:  c'a  este  une  ombre  iusqu'a  la  venue  de  nostre  Seigneur  Iesus  Christ,  que  ces  franges,  et  ces  chordons  ou  rubans.  Mais  auiourd'huy  notons  qu'en  toutes  sortes  Dieu  veut  qu'on  s'exerce  en  sa  Loy.  Et  si  nous  n'avons  ceste  servitude,  qui  est  pour  les  petis  enfans:  que  nous  cognoissions  que  nous  devons  tant  plus  appliquer  nostre  estude  a  mediter  la  Loy  de  Dieu,  tellement  que  par  ces  franges,  ces  chordons,  et  autres  choses  nous  soyons  admonnestez  et  advertis,  que  nostre  Seigneur  veut  que  sa  Loy  nous  serve  de  retraintif:  et  que  nous  ne  soyons  pas  en  telle  liberte,  que  nous  ne  soyons  tousiours  retenus  et  par  les  mains  et  par  les  pieds,  et  en  toutes  les  parties  de  nos  corps,  de  nos  ames,  de  nos  sens,  et  de  nos  affections:  que  nous  soyons  la  retenus  par  ce  qui  nous  est  defendu  et  commande.  Et  d'autant  plus  devons-nous  bien  noter  ceci,  quand  nous  voyons  comme  les  hommes  se  sont  tousiours  iouez  avec  Dieu,  et  ont  perverti  toute  bonne  doctrine.  Car  les  Iuifs  se  sont  pense  acquitter,  quand  ils  faisoyent  de  belles  franges,  et  qu'il  y  avoit  la  de  belles  sentences  escrites  en  grosses  lettres,  c'estoit  toute  leur  sainctete:  comme  nostre  Seigneur  Iesus  le  reproche  aux  Scribes,  Pharisiens  et  Sacrificateurs,  lesquels,  afin  d'avoir  une  sainctete  speciale  par  dessus  le  commun,  avoyent  de  grans  bords  en  leurs  robes,  et  par  dessus  des  sentences  de  la  Loy  escrites,  afin  qu'on  ies  vist  de  loin.  Comme  les  Moynes,  quand  ils  auront  leurs  cahuets,  leur  froc,  et  tout  ce  bagage,  il  leur  semble  que  les  voila  demi-anges:  et  cependant  ils  nourrissent  la  dessous  leurs  meschantes  affections  et  villaines,  voire  et  des  choses  si  enormes,  que  ce  sont  monstres  faits  contre  nature.  Ainsi  en  estoit-il  de  ce  temps-la.  Et  pourquoy?  Car  le  monde  pense  tousiours  payer  Dieu  en  hypocrisie.  D'autant  plus  donc  nous  faut-il  bien  noter  l'intentiou  de  la  Loy  et  la  verite:  c'est  que  nostre  Seigneur  n'a  point  regarde  a  ces  menus  fatras,  qu'on  eust  des  franges  et  des  chordons  aux  pans  des  robes:  mais  il  a  voulu  que  les