27:40  disoit,  qu'il  ne  les  faut  point  aller  cercher  par  longs  circuits.  Et  en  la  fin  il  monstre  que  le  tout  se  rapporte  au  salut  du  peuple,  que  Dieu  ne  cerche  point  ce  qui  est  sien:  car  aussi  il  ne  faut  pas  qu'il  emprunte  rien  de  nous,  comme  nous  ne  luy  pouvons  en  rien  aider.  Luy  pouvons-nous  apporter  ne  chaut  ne  froid?  Toutes  choses  sont  a  luy,  comme  il  est  dit  au  Pseaume  huitiesme,  et  au  Pseaume  cinquante:  Que  toutes  les  bestes  des  champs  sont  en  sa  possession:  et  s'il  avoit  faim,  s'il  avoit  faute  de  quelque  chose,  faut-il  qu'il  demande  rien  de  nous?  Pourquoy  donc  demande-il  d'estre  servi?  C'est  pour  nostre  bien  :  car  il  n'y  a  nul  plus  grand  heur  aux  hommes,  que  d'estre  serviteurs  de  leur  createur.  Cognoissons  donc  quand  nostre  Seigneur  procure  nostre  bien,  qu'il  ne  regarde  sinon  a  nostre  salut,  qu'il  ne  nous  veut  point  mettre  la  bride  sur  le  col:  mais  qu'il  nous  gouverne,  et  nous  retient  en  son  obeissance,  afin  que  nous  soyons  tant  plus  esmeus  par  cela  de  le  servir  d'une  franche  volonte.  Il  est  vray  cependant  que  la  Loy  nous  tournera  a  condamnation:  quand  Dieu  nous  aura  declaire  tout  ce  qui  est  bon,  et  droict,  tant  s'en  faut  que  ceste  doctrine  nous  soit  profitable,  qu'elle  ne  nous  apportera  que  mort,  que  nous  serons  maudits  par  icelle:  car  c'est  un  miroir  pour  contempler  que  nous  sommes  ennemis  de  Dieu  :  c'est  comme  une  clef  pour  ouvrir  la  porte  d'enfer.  Et  comment  cela?  que  Dieu  procure  nostre  bien,  et  toutesfois  que  nous  n'en  recevions  que  mal?  Or  c'est  par  accident,  c'est  a  dire,  par  nostre  coulpe.  Cognoissons  donc  que  la  Loy  de  Dieu,  quand  nous  la  regarderons  en  soy,  nous  est  une  doctrine  de  salut,  et  que  Dieu  s'approche  de  nous,  afin  de  nous  estre  pere,  et  que  nous  trouvions  vie  en  luy:  et  que  quand  il  veut  regler  nostre  vie,  qu'en  ia  fin  nous  adherions  a  luy:  et  qu'en  y  adherant  nous  soyons  participans  de  tous  ses  biens,  et  que  nous  parvenions  une  fois  a  l'heritage  de  la  vie  celeste.  Mais  cependant  nous  sommes  si  pervers,  nous  sommes  si  pleins  de  corruption,  que  la  Loy  ne  nous  peut  servir  que  de  nous  maudire,  et  de  nous  faire  sentir  combien  nous  sommes  detestables  a  Dieu,  estans  ses  ennemis  mortels.  Et  ainsi  nous  avons  double  raison  d'estre  confus,  et  d'avoir  horreur,  non  seulement  haine  de  nous  mesmes:  quand  nous  voyons  que  le  bien  est  ainsi  converti  en  mal,  c'est  plus  que  si  par  nostre  infection  la  nature  du  soleil  estoit  changee:  quand  nous  sentirons  des  fumees  en  nous  ai  villaines,  que  la  clarte  du  soleil  en  seroit  estouffee,  et  esteinte,  n'aurions-nous  point  horreur  de  nous?  Il  est  certain.  Or  voici  la  Loy  de  Dieu  qui  est  la  clarte  de  vie,  et  non  seulement  nous  l'obscurcissons,  mais  nous  la  convertissons  en  tenebres  de  mort:  ii  est  impossible  qu'elie  ait  autre  usage  envers  nous,  iusques  a  ce  que  nostre  Seigneur  Iesus  ait  besongne