26:40  iuste  titre,  qu'il  se  veut  reconcilier  avec  nous,  et  n'attend  pas  encores  que  nous  luy  demandions  paix  :  mais  voyent  que  nous  sommes  enragez  a  luy  faire  guerre,  qu'il  demande  appointement  avec  nous  :  que  nous  ne  soyons  point  si  miserables,  ne  si  malins  de  reculer,  et  de  quitter  ceste  amour,  et  ceste  douceur  plus  que  paternelle.  Yoila  pour  un  item.  Mais  tant  y  a,  quand  nous  verrons  que  Dieu  nous  aura  attire  a  soy,  et  que  nous  souffrirons  qu'il  nous  soit  pitoyable,  et  qu'il  use  de  sa  bonte,  alors  nous  cognoistrons  que  sa  parolle  aura  eu  son  entree  en  nos  coeurs,  et  que  nous  aurons  este  mattez  en  son  obeissance,  d'autant  qu'il  nous  aura  reformez  par  son  S.  Eprit:  cognoissons  cela.  Et  a  l'opposite,  quand  nous  verrons  la  rebellion  du  monde,  que  nous  verrons  que  tant  de  gens  s'enveniment  contre  l'Evangile,  et  sont  enflez  pour  s'eslever  a  l'encontre  de  Dieu:  quand  nous  voyons  ces  choses,  cognoissons  que  ce  sont  autant  de  miroirs  que  Dieu  nous  presente  pour  nostre  instruction:  et  que  autant  en  seroit-il  de  nous,  sinon  que  Dieu  eust  pitie  de  nostre  perversite,  pour  la  corriger.  Cependant  toutesfois  cognoissons,  que  Dieu  ne  se  mocque  point,  quand  il  nous  envoye  maintenant  sa  parolle.  Et  pourquoy?  C'est  pour  tenir  les  hommes  tant  plus  convaincus,  qu'ils  ont  este  pires  que  bestes  sauvages,  quand  ils  n'ont  peu  estre  nullement  apprivoisez,  lors  qu'il  les  appelloit  a  soy  si  privement:  et  par  ce  moyen  leur  turpitudo  aussi  est  tant  plus  descouverte,  tellement  qu'on  cognoist  ce  qui  est  cache  au  dedans,  qui  n'eust  peu  estre  autrement  apperceu.  Quand  donc  nous  voyons  cela:  apprenons  de  tousiours  dire,  que  la  parolle  de  Dieu  est  bonne,  et  saincte,  et  qu'elle  seroit  la  vraye  pasture  de  vie,  n'estoit  que  les  hommes  par  leur  propre  malice  la  convertissent  en  venin  et  poison:  tellement  que  leur  faute  est  telle,  que  la  coulpe  n'en  peut  estre  nullement  attribuee  a  Dieu.  LE  QUATRIEME  SERMON  SUR  LE  CHAP.  II.  V.  26-37.  DU  LUNDI  6��  DE  MAY  1555.  Nous  avons  veu  par  ci  devant,  comme  Dieu  ayant  determine  d'endurcir  Sehon,  ne  laissa  pas  de  le  faire  sommer,  afin  qu'il  laissast  passer  les  enfans  d'Israel  sans  leur  mal  faire,  et  sans  ee  declarer  leur  ennemi.  Et  la  dessus  il  a  este  monstre,  que  Dieu  envoyera  bien  message  de  paix  aux  hommes:  et  neantmoins  il  cognoist  que  cela  ne  servira  rien  sinon  pour  les  rendre  inexcusables.  Comme,  l'Evangile  se  presche  a  beaucoup,  lesquels  toutesfois  ne  font  qu'empirer  :  et  Dieu  sait  bien  qu'il  n'en  sortira  nul  profit,  qu'ils  seront  tousiours  rebelles.  Pour-