24:40  spiritus,  ne  torpeamus  in  curis  et  moeroribus,  sed  recta  confugere  discamus  ad  sacram  hanc  anchoram  :  sicuti  etiam  in  Psalmo  34,  16  dicitur:  Oculi  Dei  super  iustos,  et  aures  eius  ad  precationem  illorum  intentae.  Et  sicuti  alibi  testatur  se  Deum  esse  qui  preces  exaudit  (Psal.  65,  2):  ita  quoties  duriter  urgemur,  ad  hoc  remedium  quaerendum  nos  sollicitat.  Ubi  dicit  populum  suum  esse  in  Aegypto,  species  repugnantiae  quae  videtur  subesse,  ad  confirmationem  non  parum  valet:  quia  huc  tendit  quod  de  terra  Chanaan  possidenda  Abrahae  promissum  fuit,  irritum  non  fore.  Peregrinari  enim  in  Aegypto  populum  cui  data  erat  alibi  haereditas,  non  convenit  cum  Dei  veritate  :  nisi  praescripto  tempore  liberetur.  Posset  etiam  adversative  capi.  Quamvis  populus  in  Aegypto  habitans  exsultet  a  terra  Chanaan,  ideoque  ita  videatur  a  me  quodammodo  remotus,  audivi  tamen  clamorem.  Sed  probabile  est  illud,  quia  indignum  sit  populum  terrae  sanctae  haeredem  alibi  semper  manere  inquilinum,  brevi  Deum  redemptorem  adfore.  In  fine  versus  repetitio  est  aliis  verbis,  quod  Deus  cognoverit  dolores,  sed  cum  amplificatione.  8.  Descendi  ut  liberarem.  Clarius  iam  explicat  sibi  propositum  esse  non  praesenti  modo  calamitati  succurrere,  sed  praestare  datam  Abrahae  fidem  de  possessione  terrae  Chanaan.  Finem  ergo  redemptionis  notat,  ut  fruantur  quiete  et  haereditate  sibi  promissa.  Nota  est  phrasis,  Deum  ad  nos  descendere,  ubi  re  ipsa  virtutem  suam  profert,  seque  nobis  propinquum  ostendit,  ac  si  diceret,  palam  sensuros  Israelitas  sibi  auxilium  praesto  esse.  Terra  lata  videtur  opponi  angustiis  in  quas  coniecti  erant.  Nam  etsi  fertilis  et  commoda  erat  terra  Gosen,  crescenti  tamen  turbae  vix  ad  habitationem  sufficere  poterat:  deinde  illic  serviliter,  non  secus  atque  in  ergastulo,  clausi  tenebantur.  Tandem  iterum  confirmat  se  cum  illis  benigne  acturum,  quia  gemitus  exaudierit,  et  eorum  aerumnas  non  ignoret,  quamvis  longo  tempore  vindictam  distulerit.  10.  Veni  itaque,  et  mittam  te  ad  Pharaonem,  ut  educas  populum  meum  filios  Israel  ex  Aegypto.  11.  Et  dixit  Moses  ad  Deum:  Quis  sum  ego  ut  vadam  ad  Pharaonem,  et  educam  filios  Israel  ex  Aegypto?  12.  Et  respondit:  Quia  tecum  ero,  et  hoc  tibi  signum  quod  ego  miserim  te:  Quum  eduxeris  populum  ipsum  ex  Aegypto,  coletis  Deum  prope  montem  hunc.  13.  Et  ait  Moses  ad  Deum:  Ecce,  ubi  ego  venero  ad  filios  Israel^  et  dixero  eis,  Deus  patrum  vestrorum  misit  me  ad  vos:  tunc  si  dixerint:  Quod  nomen  eius  est:  quid  dicam  illis?  14.  Tunc  respondu  Deus  Mosi:  Sum  qui  sum.  Et  ait:  Sic  dices  ad  filios  Israel:  Sum1)  misit  me  ad  vos.  1)  Gallice:  Si  suis-ie