23:40  fluant,  probabilior  est  eorum  opinio  qui  duos  eorum,  licet  obsoletis  iam  nominibus,  notari  divinant.  Quanquam  nondem  soluta  est  difficultas:  Moses  enim  fluvium  unum,  quo  hortus  alluebatur,  in  quator  capita  dividit.  Constat  autem  procul  dissitos  esse  Euphratis  et  Tigridis  fontes.  Ex  hoc  nodo  se  quidam  ita  expediunt,  quod  diluvii  vastatione  mutata  fuerit  orbis  facies:  ideo  fieri  potuisse  divinant,  ut  turbati  sint  ac  conversi  fluminum  cursus,  et  scaturigines  alio  translatae,  quod  mihi  nullo  modo  recipiendum  videtur.  Nam  etsi  fateor  terram  ex  nativa  pulchritudine  in  miserum  squalorem,  et  quasi  luctuosum  habitum  redactam  esse,  ex  quo  maledicta  fuit,  postea  in  diluvio  multis  locis  vastatam  esse:  dico  tamen  eandem  esse  terram  quae  initio  creata  fuerat.  Adde  quod  topographiam  suam  Moses  (meo  quidem  iudicio)  ad  suae  aetatis  captum  accommodavit.  Nihil  tamen  actum  est,  nisi  locum  illum  reperiamus,  ubi  ex  fluvio  uno  exeant  Tigris  et  Euphrates.  Observa  primo  nullam  fieri  scaturiginis  vel  fontis  mentionem,  sed  tantum  dici  fluvium  unum.  Quatuor  vero  capita  intelligo,  tam  principia  ex  quibus  nascuntur  fluvii,  quam  ostia  quibus  se  in  mare  exonerant.  Iam  ita  confluenter  Tigridi  coniunctus  fuit  Euphrates  olim,  ut  flumen  unum  merito  dici  potuerit  in  quatuor  capita  secari:  praesertim  si  mihi  conceditur  quod  omnibus  palam  est,  Mosen  non  acute,  neque  philosophico  more,  sed  populariter  loqui,  ut  rudissimus  quisque  intelligat.  Ita  primo  capite  duo  praecipua  luminaria  vocavit  solem  et  lunam  :  non  quod  luna  magnitudine  superet  alios  planetas,  sed  quia  vulgo  ex  aspectu  maior  censetur.  Adde  quod  scrupulum  omnem  tollere  videtur,  ubi  dicit,  fluvio  quatuor  fuisse  capita,  quia  ex  eo  loco  dividebatur.  Quid  hoc  sibi  vult,  nisi  ex  uno  confluxu,  vel  supra  vel  infra  paradisum  divisos  fuisse  alveos?  Nunc  figuram  oculis  subiiciam,  unde  intelligant  lectores  ubi  Paradisum  locari  sentiam  a  Mose.1)  Tradit  quidem  Plinius  libro  sexto,  praeclusum  fuisse  Euphratem  ab  Orchenis,  ut  non  nisi  per  Tigrim  influeret  in  mare.  Pomponius  autem  Mela  libro  tertio,  certo  exitu,  ut  reliquos  amnes,  affluere  negat,  sed  deficere.  Verum  Nearchus  (quem  Alexander  classi  suae  praefecerat)  quique  eius  auspiciis  1)  Tabulam  paradisi  ex  editione  a.  1554  describi  curavimus,  quae  sane  descnptioni  mosaicae  minime  convenit.  Sequentes  omnes  eandem  exhibent,  praeter  Amst.  et  a.  1617  impressam.  In  hac  enim  quatuor  iam  apparent  fluminay  ex  quibus  Phison  ex  Libano  prodit  et  post  varios  circuitus  in  sinum  persicum  se  coniicit,  Gehon  vero  ex  nescio  quibus  montibus  prope  Phisonis  ostia  sitis  ortus  infra  Gazam  in  mare  mediterraneum  effunditur.  Arbor  scientiae  cum  pluribus  aliis  inter  haec  duo  posteriora  flumina  conspicitur  adstantibus  protO'  plastis,  neque  absunt  variis  in  locis  elephas,  camelusi  rhinoceros,  equus  cabdllus  et  monoceros  ete.  Praeter  Gazam  una  tantum  urbs  inscripta  esty  nempe  Babylon.