21:40  40  tant  s'en  faloit  qu'il  se  pleust  en  ce  defaut  que  au  contraire  nul  ne  l'a  mieux  aperceu  ne  l'a  trouve  si  grand  que  luy.  Cela  soit  dit  quant  a  sa  vie  et  conversation  domestique,  en  laquelle  ce  seul  defaut  que  iamais  i'aye  cognu  en  luy  estoit  tempere  de  si  grandes  et  tant  aimables  vertus,  et  si  peu  ou  point  du  tout  accompagne  des  autres  vices  qui  ont  accoustume  de  le  suyvre,  que  nul  ami  n'en  demeura  onques  offense  ni  de  faict  ni  de  paroles.  Mais  quant  au  public  concernant  la  charge  que  Dieu  luy  avoit  commise,  c'est  la  ou  il  faut  que  i'admire  la  grande  sagesse  de  Dieu  tournant  toutes  choses  a  sa  gloire,  sur  tout  en  ses  organes  et  instrumens  plus  singuliers.  Ceux  qui  ont  veu  et  cognu  a  quelles  gens  il  a  eu  affaire  le  plus  souvent,  les  choses  que  Dieu  a  declarees  et  faites  par  luy,  les  circonstances  des  temps  et  des  lieux,  ceux-la  peuvent  iuger  de  quoy  une  telle  vehemence,  vehemence,  di-ie,  vrayement  prophetique,  a  servi  et  servira  a  toute  la  posterite.  Et  ce  qui  [page  42]  le  rendoit  plus  admirable  estoit  que,  n'ayant  et  ne  cerchant  rien  moins  que  ce  qui  est  tant  requis  par  ceux  qui  se  veulent  faire  craindre  par  une  apparence  exterieure,  il  faloit  que  les  plus  obstinez  et  pervers  fiechissent  sous  la  grande  vertu  de  Dieu  environnant  son  fidele  et  irreprehensible  serviteur.  Ceux  qui  liront  ses  escrits  et  cercheront  droitement  la  gloire  de  Dieu  y  verront  reluire  ceste  maieste  dont  ie  parle.  Quant  a  ceux  qui  traittent  auiourd'huy  la  religion  comme  les  affaires  politiques,  plus  froids  que  glace  aux  affaires  de  Dieu,  plus  enflambez  que  feu  en  ce  qui  concerne  leur  particulier,  et  qui  appellent  colere  tout  ce  qui  est  dit  plus  franchement  qu'il  ne  leur  plaist:  comme  il  n'a  iamais  tasche  de  plaire  a  telles  gens,  aussi  feroye-ie  conscience  de  m'amuser  a  leur  respondre.  Que  diroyent  donc  ces  sages  gens  et  si  attrempez  (pourveu  qu'il  ne  soit  question  que  de  Dieu)  s'ils  avoyent  senti  de  plus  pres  une  telle  colere?  Ie  m'asseure  qu'ils  s'en  fussent  aussi  mescontentez,  comme  ie  m'estime  et  estimeray  heureux  tout  le  temps  de  ma  vie  d'avoir  iouy  d'une  si  grande  et  si  rare  vertu,  en  public  et  en  particulier.  Ie  ne  pourrois  iamais  estre  las  de  me  consoler  en  l'absence  d'un  tel  et  si  excellent  personnage  en  le  me  representant  par  le  discours  de  [page  43]  ses  vertus  tant  rares  et  exquises.  Mais  si  ne  puis-ie  sans  merveilleux  regret  parachever  ce  qui  reste,  et  qui  ne  peut  toutesfois  nullement  estre  laisse,  attendu  que  c'est  comme  la  couronne  et  l'ornement  de  toute  sa  vie.  Outre  *)  ce  que  Dieu  avoit  loge  ce  grand  esprit  en  un  corps  imbecille  et  dispose  de  soy-mesmes  au  mal  de  pthisie,  duquel  aussi  il  est  mort,  les  estudes  de  sa  1)  Ici  commence  V  extr  ait  de  Garnier,  mis  en  tete  de  l'edition  latine  du  Commentaire  sur  Josue.