19:40  ea  ipsa  de  quibus  saepe  audierat  sciscitari.  Itaque  coactus  est  ei  Calvinus  in  faciem  dicere:  Vultus  tuus  detestabile  monstrum  mihi  ostendit,  quod  in  corde  occultum  foves:  ac  saepius  eum  aspere  obiurgavit,  ut  si  fieri  posset  corrigeret  perfidiam  et  fallacias  dolosque  tortuosos,  quorum  fastidio  erat  quodammodo  defessus.  Nec  tamen  destitit  Blandratam  comiter  salutare  et  admitterre  ad  sermonem.  Imo  huc  usque  obtemperavit  improbi  hominis  votis,  ut  brevi  scripto3)  dissolveret  omnes  scrupulos  quibus  fingebat  ille  nequam  se  impediri.  Notare  autem  operae  pretium  est  pravum  eius  consilium.  Neque  enim  tam  optavit  expediri  sibi  dubitationes,  in  quibus  dicebat  se  perplexum  haerere,  quam  contendit  a  Calvino  ut  damnaret  omnium  aliorum  sententias.  Ac  saepius  asseruit  ab  omnibus  Germanis  se  turbari:  unius  autem  Calvini  doctrina  se  reddi  tranquillum.  Quum  identidem  urgeret  ut  sedandis  multorum  conscientiis  Calvinus  reiiceret  quaecunque  ab  aliis  erant  prodita,  sibi  fidem  omnem  detraxit  Et  ex  eo  tempore  desiit  Calvinus  eum  admittere:  quia  tantum  dissidia  et  turbas  quaerebat.  Serpebat  interea  virus  impiorum  dogmatum  apud  Italos.4)  Itaque  seniores  Calvinum  rogarunt  ut  manum  auxiliarem  porrigeret.  Condicta  est  hora  plebi.  Missi  sunt  duo  ex  senatoribus.  Calvinus  verba  fecit.  Hortatus  est  nomine  senatus  ut  quisque  libere  proferret  quid  sentiret.  Ac  senatus  nomine5)  promisit  impunitatem,  si  quid  perperam  et  inconsiderate  elapsum  esset.  Illic  non  dubitavit  Blandrata  obiicere  Calvino  quod  falsissimum  erat,  iactareque  illud  esse  scriptum  manu  Calvini.  Coactus  proferre  tergiversari  coepit.  Pertinaciter  tamen  asseruit  Calvinum  ita  scripsisse,  donec  charta  allata  fuit  in  templum.  Deprehensus  in  manifesta  calumnia  miser  ille  non  tamen  erubuit,  quum  omnes  fuste  dignum  censerent.  Etsi  autem  non  protulit  ipse  horribilem  blasphemiam,  quae  mox  sequetur,  totam  tamen  eius  culpam  sustinet.  Dixit  enim  intimus  eius  sodalis  Ioannes  Paulus  Alciatus,6)  quem  adhuc  pro  anima  sua  habet,  tres  diabolos  a  nobis  adorari  peiores  omnibus  idolis  papatus,  quia  statueremus  tres  personas.  Si  exsecrabile  illud  sacrilegium,  ut  decebat,  exhorruit,  cur  ab  eius  familiaritate  non  discessit?  Imo  cum  eo  paulo  post  profectus  est  :  et  eo  comite,  sodali  et  socio,  molitus  est  scindere  ecclesias.  Pepercit  tamen  Calvinus,  ac  depre-  3)  Codex  praebet:  scriptos,  quod  nostrum  facere  dubitamus.  Alludit  nempe  ad  Opusculum  a  nobis  Vol.  IX  p.  321  editum.  4)  Mortuo  Martinengo  supererat  Lactantius  Bagnoni  ecclesiolae  Italicae  solus  minister,  quum  Calvinus  frustra  Vermilium  et  Zanchum  Genevam  vocasset  5)  senatus  nomine  om.  codex.  6)  N.  2870.  2916.  2919.  Trechsel  II.  310.