16:40  peculiariter  designarit,  alioquin  non  passus  esset  tot  conatus  et  consilia  nostra  prorsus  irrita  fieri.  Audeo  vero  polliceri  D.  Calvinum  nostrum  de  hac  re  non  aliter  iudicaturum,  ad  quem  heri  tuas  literas  misi.  Itaque  hoc  unum  curet  optimus  noster  Enardus  ut  quamprimum  illuc  perveniat.  Literis  utetur  quas  apud  te  reliqui,  et  de  pecunia  quam  a  nobis  accepit  ita  aget  ut  ad  Iacobum4)  nostrum  scripseram.  Sed  haec  quorsum?  Nam  aut  iam  profectus  est,  aut  iam  profectum  esse  oportuit.  Absente  autem  eo  vide  ecquid  possimus  ipsius  familiam  sublevare.  Nam  hic  quoque,  Deo  favente,  officium  faciemus  ut  aequum  est.  Persuadeat  autem  ipse  sibi  memoriam  sui  nobis  carissimam  fore,  et  sine  intermissione  nos  ipsum  commendaturos  Domino,  ut  servum  suum  spiritu  suo  regat  et  omnibus  modis  tueatur  ac  confirmet.  Calvinus  quoque  noster,  ut  nosti,  neque  illi  neque  toti  ecclesiae  deerit.  Quum  eo  pervenerit,  sciat  sibi  negotium  fore  cum  multis  curiosis  ingeniis,  5)  quae  nulla  re  magis  quam  gravi  illa  verbi  Dei  simplicitate  retunduntur.  Urgeat  fidei  fructus.  Nam  multi  sapiunt  in  perniciem  seram.  Urgeat  frequentem  et  religiosam  lectionem  verbi  Dei.  Nam  scio  paucos  illic  esse  qui  verbum  Dei  studiose  tractent.  Ubi  legerunt  aliquot  paginas  et  unum  aut  alterum  commentarium  perculerunt  (de  iis  loquor  qui  sunt  diligentissimi),  statim  arbitrantur  se  ad  docendum  quam  ad  discendum  aptiores.  Nonnulli  tanquam  arbitrarii  iudices  sedent  in  dirimendis  controversiis  quas  sciunt  inter  nonnullos  agitari,  et  dum  iudicium  differunt  tandem  incipiunt  de  iis  etiam  ambigere  de  quibus  antea  minime  dubitabant.  Multos  possem  nominare  hac  via  in  atheismum  praecipitatos.  Admoneat  quoque  diligenter  de  illorum  libris  6)  vitandis,  a  quibus  hodie  apud  nos  turbatur  ecclesia.  Volitant  enim  et  miro  Satanae  artificio  habentur  in  pretio  apud  homines  novitatis  curiosos  aut  nimium  incautos.  Necesse  tamen  erit  libros  ipsos  palam  convincere  et  errores  refutare,  ne  quis  putet  hic  aliud  quam  Christi  gloriam  captari.  Sed  haec  ipse  et  alia  omnia  praesens  cognoscet,  nec  dubito  quin  Dominus  ipsum  et  cognitione  omni  et  zelo  instruat.  Deducant  igitur  eum  angeli  Domini  et  ab  omnibus  periculis  tueantur,  ut  brevi  iaetissimum  nuncium  ab  eo  accipiamus.  Amen.  De  rebus  nostris  hoc  unum  habe.  Vendelius  omnibus  modis  nititur  elabi.7)  Sed  quo  magis  se  in  omnes  partes  movet,  eo  impeditius  tenetur.  Quatriduum  iam  consumptum  est  in  altercationibus.  Quidquid  erit  constitutum  statim  intelliges.  In-  4)  Sorellum  (ibid.)  5)  Similia  legisti  in  epp.  Pauli  apostoli.  6)  Castellionis  puta  et  caeterorum  ab  istis  atra  creta  notatorum.  7)  Cf.  N.  2364.  2374.  2394.