15:40  dexterae,  iureiurando  interposito,  ne  quis  posthac  malis  causis  faveret.  Atque  hoc  quidem  praeiudicio  se  pars  adversa  tacite  damnavit.  Verum  plausibili  pacis  colore  factum  est,  ut  legitimus  ordo,  unicus  pacis  custos,  neglectus  fuerit,  vel  saltem  posthabitus.  Ego  vocatus  in  curiam  professus  sum  me  omnibus  ignoscere  qui  ex  animo  resipiscerent  :  me  tamen  unum  duntaxat  esse  ex  consistorio:  centies  igitur  potius  moriturum,  quam  ut  mihi  arrogarem  quod  totius  ecclesiae  commune  erat.  Hoc  a  nobis  fuit  animadversum,  Satanam  nihil  magis  cupere  quam  ut  rebus  dubiis  et  suspensis  aliqua  in  posterum  turbandi  occasio  suppetat.  Nobis  autem  in  animo  est  antevertere.  Etsi  autem  minore  forte  vehementia  quam  prius  tumultuabuntur  hostes,  brevi  tamen  rursus  certandum  erit.3)  Vides  apertius  causam  silentii,  quod  domesticum  tegere  dedecus  optarem.  Sic  tamen  habe:  quamvis  ubique  varie  iactetur  eccclewa,  Genevae  tamen  non  secus  atque  in  diluvio  arcam  Noah  fluctuari.  Hinc  etiam  collige  quantopere  mihi  displiceat,  clarissimum  senatum  vestrum  fatigari  quaestionibus.  Quod  tamen  luculento  documento  nuper  vobis  testatum  fuit,  quum  de  spirituali  ecclesiae  gubernatione  non  fueritis  consulii.  Ego  vero  quid  facerem,  cui  boni  omnes  ingemiscunt,  remedium  vero  nequeunt  afferre?  Bene  tamen  habet  quod  nobis  praesidet  nauclerus,  sub  quo  tuti  a  naufragio  erimus:  deinde  quod  non  procul  distamus  a  portu.  Interim  discenda  est  eorum  conditio,  quibus  eadem  navigatio  subeunda  est.  Serveticae  impietatis  refutatio  prius  tibi  ini$sa  erit,  ut  spero,  quam  ad  te  literae  meae  perveniant,  4)  Libellus  brevis  est  ac  tumultuarie  conscriptus.  Praestabit  tamen,  quod  continet  scriptum  esse  quam  nihil.  Angliae  motus  iam  istic  notos  esse  arbitror:  et  interim  dum  in  itinere  adhuc  erit  epistola,  forte  aliquid  certius  erit  allatum.  Vale,  ornatissime  vir  et  mihi  plurimum  colende  frater.  Saluta  diligenter  meo  nomine  D,  Gualtherum.  generos  et  reliquos  fratres.  D.  Marchio  Caraciolus,  Budaeus  noster,  Pt  collegae  mei  te  salvere  optant.  Dominus  vos  tueatur  manu  sua,  et  spiritu  suo  regat  laboresque  vestros  benedicat,  Amen.  Genevae,  7.  Calendas  Marhi.  1554.  Ioannes  Calvinus  tuus.  3)  quod  etiam  evenit  pridie  Cal  Maias.  {Mea.  du  C.)  4)  Cf.  N.  1908.  2)  ipsum  .  .  .  .  ab  eo,  sic.  3)  Versio  anglica  nescio  qua  de  causa  9.  Mart.  exhibet  1910  1)  deperditis.  2)  Cf.  N.  1906  Huchat.  VI.  115.  Reg.  du  Conseil  27.  Jan.  in  Annalibus  nostris.