13:40  1070.  SPINA  CALVINO.  Calvino  commentarios  nuper  editos  gratulatus,  plures  etiam  discupio  admonitiones  iam  acceptas  reveretur,  Germaniae  tristia  fata  deflet.  (Ex  autographo  lectu  difficillimu  Cod.  Genev.  110,  fol.  26).  Monsieur  maistre  Charles  despeville  a  Lion.  Perlectis  literis  tuis  varie  adfectus  sum.  Voluptatem  attulit  quod  scripseris,  et  te  iis  ac  tuum  illum  placidum  vultum  quodammodo  spectandum  praebueris:  quo  spectaculo  nullum  iucundius.  Gratissima  etiamnum  fuerunt  quae  de  tuo  in  me  amore  significas,  quem  plurimi  facio.  Et  multo  adhuc  magis  quod  promittis  propediem  te  reliquos  commentarios  editurum,  et  eos  qui  recens  apparuerunt  in  utramque  ad  Timotheuml)  cum  aliis  fruendos  exhibes.  Benignam  correctionem  tuam  aequissime  fero,  tum  quod  ea  quae  adfers  agnosco,  tum  quod  candido  ea  te  animo  adferre  intelligam.  Utinam  saepe  nos  iis  calcaribus  urgeas*  Nam  utrumque  experimur,  carnis  nostrae  torporem  ac  ignaviam,  et  quanta  ad  hanc  excutiendam  vis  sit  admonitionum  vestrarum.  Quae  nobis  subinde  venientes  in  mentem,  et  verbi  Dei  memoriam  excitantes,  ea  docent  quae  adhuc  obscura  sunt,  revocant  ab  iis  ad  quae  propensiores  sumus,  denique  nos  ceu  iivwnsg  impellunt  ut  ea  alacrius  sequamur  a  quibus  carnis  nostrae  vitio  plus  satis  desidemus.  Omnia  hactenus  laeta.  Quae  praeterea  scribis  ea  nobis  molestiam  exhibuerunt:  crudelitatem  et  caedes  in  Germania  adversus  ecclesiam  recrudescere,  pios  eiici,  verbi  ministerium  abrogari,  religionem  a  magistratu  deseri:  qui  primi  videbantur  novissimos  fieri,  et  graviora  adhuc  versutum  illum2)  moliri,  ut  ex  iis  initiis  coniicimus.  Haec  nos  conturbarunt,  eoque  magis  quo  minus  sperabantur.  Nam  prius  paulo  quam  haec  ad  nos  scripsisses  rumor  huc  usque  diffusus  ferebat  de  pietate  illum  recte  sentire,  et  accersitis  Germanorum  doctoribus  omnia  ab  iis  didicisse  quae  ad  hominum  salutem  pertinerent,  tentare  iam  seriam  ecclesiae  reformationem,  et  si  qui  huic  pertinacius  obsisterent  iis  bellum  parare.  Haec  nos,  N  ut  existimare  potes,  supra  modum  delectabant,  1070.  1)  Quorum  dedicatio  scripta  fuit  d.  25.  Iulii.  Quum  recens  editos  dicat  hanc  epistolam  hoc  mense  Septembre  scribi  potuisse  coniicimus,  2)  Imperatorem  qui  tum  temporis  vi  et  armis  suum  Interim  principibus  et  civitatibus  imponebat