11:40  consilium  meum  audietis,  utrinque  de  ea  re  disceptare  desinemus.  Itaque  literas  Comitis,  quas  tu  nuper  miseras,  suppressi  ne  quid  offensionis  parerent.  Erant  enim  ita  compositae  ut  gratae  esse  non  possent,  ac  quo  ansam  omnem  praecidam  contentionibus,  a  responsione  quoque  abstinebo.9)  Horreo  quum  ita  crudeliter  pios  audio  vexari  in  Gallia,  hoc  praesertim  tempore  quo  nihil  opis  afferre  possumus.  Nec  dubito  quin  optimi  quique  ut  plurimum  periclitentur.  Quo  enim  quisque  cordatior  est  ac  constantiore  animo  Christum  praedicat,  eo  minus  a  Satana  ferri  potest.  Quanquam  fit  interdum  ut  optimos  etiam  Dominus  in  tuto  servet  dum  alii  ad  supplicium  rapiuntur.  Conterraneus10)  Iacobi,  qui  Sedanae  exustus  est  aut  Meiduni,  superiore  anno  hic  fuerat  et  exhortatoriam  epistolam  ad  eius  regionis  fratres  a  me  petierat:  postea  certo  intellexi  fuisse  infectum  erroribus  anabaptisticis,  ac  maxime  omnium  insaniisse.  Poenituit  me  igitur  quod  aditum  meis  literis  ad  multos  bonos  patefecissem.  Vereor  ne  morte  sua  evangelium  magis  infamant*  l)  quam  promoverit.  Quod  dico  non  habeo  ex  incertis  rumoribus,  sed  ex  eius  propinquis.  Is  cuius  sororem  in  matrimonio  habuit  non  dissimulat  qualis  fuerit.  De  morte  Michelii  non  satis  cum  tua  epistola  congruebant  eius  sermones  qui  spectaculo  interfuerat.  Verum  hanc  regulam  nobis  tenendam  puto,  ut  de  iis,  qui  pro  evangelii  testimonio  passi  sunt,  quam  possumus  optime  et  sentiamus  et  loquamur.  Modo  ne  quid  nimium,  ubi  non  liquido  constat  qualiter  se  quum  in  vita  tum  vero  praesertim  in  morte  gesserint.  Gaspari  prospectum  esse  gaudeo,  est  enim  dignus,  ac  profuturum  scholae  12)  spero.  Tossanus  tres  aut  quatuor  a  me  petierat,  si  tot  haberem  hic,  quos  iudicarent  regendis  ecclesiis  idoneos:  nominatim  Iacobum  flagitabat.  Sed  ille  se  vobis  servare  maluit.  Quae  illa  sit  ditio  comitis  Guillelmi,  nondum  potui  diligenter  sciscitando  scire.  Tu  quum  hic  eris  forte  melius  nobis  indicabis.  Simul  de  iis  omnibus  commentabimur  quibus  remedium  afferendum  putas.  Si  putarem  Corderium  deliberare  an  Burdegalam  redire  expediat,  libenter  proferrem  quod  sentio.  Verum  non  opinor  tam  caecum  esse  ut  consultationem  ea  de  re  instituat.  Gallis  illis  episcopis  cur  scribendum  non  putem,  coram  tibi  indicabo.  Magnam  gratiam  habeo  fratribus  quod  meum  consilium  adeo  aequis  animis  acceperunt.  Quando  tamen  periculum  est  ne  alii  indigne  ferant  vos  incepisse,  9)  Forte  de  se  revocando  Genevam  hic  loquitur.  Simler.  (?)  10)  Totus  hic  locus  usque  ad  finem  pericopae  (.  .  .  ea  res  differatur)  in  Cod.  106  cancellatus  est.  Caeterum  supplicii  de  hoc  viro  sumpti  alibi  mentionem  factam  non  vidimus.  11)  sft  on  sire  (inflammant?).  12)  he  will  have  the  charge  of  the  school.