10.1:40  espousez  viennent  modestement  en  l'eglise,  sans  tambourins  ne  menestriez,  tenant  ordre  et  gravite  convenable  a  Chrestiens,  et  ce  devant  la  fin  du  son  de  la  cloche,  atin  que  la  benediction  du  mariage  se  face  devant  le  sermon.  S'ilz  sont  negligens  et  qu'ilz  viennent  trop  tard,  qu'on  les  renvoye.  Qu'il  soit  loisible  de  celebrer  tous  les  iours  les  mariages:  assavoir  les  iours  ouvriers  au  sermon  qu'il  semblera  bon  aux  parties,  le  dimenche  au  sermon  de  l'aube  du  iour,  et  de  trois  heures  apres  midy,  exceptes  les  iours  qu'on  celebrera  la  cene,  afin  que  lors  il  n'y  ayt  aucune  distraction  et  que  chascun  soit  mieux  dispose  a  recevoir  le  sacrement.  De  l'habitation  commune  du  mary  avec  la  femme.  Que  le  mary  ayt  sa  femme  avec  soy  et  demeurent  en  une  mesme  maison,  tenans  un  mesnage  commun.  Et  s'il  advenoit  que  l'un  se  retirast  d'avec  l'autre  pour  vivre  a  part,  qu'on  les  appelle  pour  leur  en  faire  remonstrance,  et  qu'ilz  soyent  contraincts  de  retourner  l'ung  avec  l'autre.  Si  un  g  mary  *)  ne  vit  point  en  paix  avec  sa  femme,  mais  qu'ilz  ayent  questions  et  debatz  ensemble,  qu'on  les  appelle  au  Consistoire  pour  les  admonester  de  vivre  en  bonne  concorde  et  union,  et  remonstrer  a  chascun  ses  faultes  selon  l'exigence  du  cas.  Si  on  cognoit  qu'un  mary  traicte  mal  sa  femme,  la  battant  et  tourmentant,  ou  qu'il  la  menasse  de  luy  faire  quelque  oultrage  et  qu'on  le  cognoisse  comme  de  cholere  desordonnee,  qu'il  soit  renvoye  par  devant  le  Conseil,  pour  luy  faire  deffenses  expresses  de  ne  la  battre,  soub  certaine  punition.  Pour  quelles  causes  ung  mariage  doit  estre  declaire  nul.  S'il  advient  qu'une  femme  se  plaigne  que  celuy  qui  l'aura  prinse  en  mariage  soit  maleficie  de  nature,  ne  pouvant  avoir  compaignie  de  femme,  et  que  cela  se  trouve  vray  par  confession  ou  visitation,  que  le  mariage  soit  dcclaire  nul,  la  femme  declairee  libre  et  deffenses  faictes  a  l'homme  de  ne  plus  abuser  nulle  femme.  Toutesfois,2)  afin  d'eviter  que  nulle  colusion  ou  intelligence  par  tromperie  ne  s'y  face,  qu'on  enquiere  diligemment  de  toutes  les  circonstances  iusques  a  ce  que  le  cas  soit  deuement  verifie.  Pareillement  si  l'homme  se  complainct  de  ne  pouvoir  habiter  avec  sa  femme  par  quelque  deffault  qui  sera  en  son  corps  et  qu'elle  ne  veuille  souffrir  1)  Cet  article  et  le  suivant  sont  inseres,  dans  les  textes  cites,  dans  le  chap.  des  degrez  d'affinite  a  la  suite  de  V  article  qui  dans  notre  texte  porte  le  titre:  aultre  empeschement.  2)  La  fin  de  cet  article  est  omise  dans  les  copies  susdites.