49:4  4  initiamur:  illic  Christo  consepelimur,  ut  nobis  emortui  per  eius  vitam  suscitemur  in  vitae  novitatem.  Sequitur  ergo,  sine  regeneratione  neminem  posse  induere  ipsius  iustitiam.  Inde  exhortationes  ad  vitae  puritatem  ac  sanctimoniam  deducit,  quae  necessario  in  iis  apparere  debent,  qui  a  regno  peccati  in  regnum  iustitiae  traducti  sunt,  repudiata  impia  carnis  indulgentia,  quae  solutiorem  peccandi  licentiam  in  Christo  quaerit.  Brevem  quoque  mentionem  interserit  legis  abrogatae,  in  qua  abrogatione  elucet  novum  testamentum,  ubi  cum  peccatorum  oblivione  spiritus  sanctus  promittitur.  Capite  septimo  ingreditur  iustam  disputationem  de  legis  usu,  quem  velut  digito  prius  demonstrant,  quasi  aliud  agens:  rationem  assignans  cur  a  lege  soluti  simus,  quia  nonnisi  ad  condemnationem  per  se  valebat.  Quod  ne  in  legis  contumeliam  vergeret,  fortiter  ab  omni  calumnia  ipsam  asserit.  Docet  enim  nostra  culpa  factum  ut  in  mortis  materiam  cederet  quae  in  vitam  data  erat  Simul  exponit  quo  modo  per  eam  peccatum  augeatur.  Exin  transit  ad  describendam  spiritus  et  carnis  luctam,  quam  in  se  filii  Dei  sentiunt  quamdiu  carcere  mortalis  corporis  circumdantur.  ��erunt  enim  concupiscentiae  reliquias,  quibus  assidue  a  legis  obsequio  ex  parte  retrahuntur.  Caput  octavum  plenum  est  consolationibus,  ne  audita  inobedientia,  quam  prius  arguerat,  seu  potius  imperfecta  obedientia,  perterritae  fidelium  conscientiae  deiiciantur.  Verum  ne  inde  sibi  impii  blandiantur,  primum  testatur  beneficium  hoc  nonnisi  ad  regeneratos  pertinere,  in  quibus  Dei  spiritus  vivit  ac  viget.  Explicat  igitur  duo:  omnes  qui  Domino  Christo  per  eius  spiritum  sunt  inserti,  extra  damnationis  periculum  et  aleam  esse,  utcunque  onerati  sint  adhuc  peccatis.  Deinde  omnes,  qui  in  carne  manent,  expertes  sanctificationis  spiritus,  nequaquam  esse  tanti  boni  participes.  Tum  postea  explicat  quanta  sit  fiduciae  nostrae  certitudo,  quandoquidem  spiritus  Dei  suo  testimonio  dubitationem  ac  trepidationem  omnem  abigit.  Ad  haec,  per  anticipationem  commonstrat,  non  posse  aeternae  vitae  securitatem  interpellari  aut  conturbari  praesentibus  miseriis,  quibus  hae^c  mortalis  vita  obnoxios  nos  tenet:  quin  potius  talibus  exercitiis  salutem  nostram  promoveri,  ad  -cuius  excellentiam  si  conferantur  omnes  praesentes  miseriae,  nihili  reputabuntur.  Id  Christi  exemplo  confirmat,  qui  ut  primogenitus  est,  principatum  tenens  in  Dei  familia:  ita  prototypus  est,  cui  nos  omnes  decet  conformari.  Proinde  quasi  securis  rebus  optimam  gloriationem  attexit,  qua  Satanae  potentiae  et  machinamentis  animose  insultat.  Quando  vero  plerique  permovebantur,  quum  viderent  Iudaeos  foederis  primarios  custodes  atque  haeredes  a  Christo  abhorrere:  quia  scilicet  inde  colligebant  aut  translatum  esse  foedus  ab  Abrahae  3