46:4  4  et  par  plus  forte  raison  quand  il  est  question  de  la  doctrine  de  salut,  nous  scavons  comme  le  diable  fait  tous  ses  efforts,  et  incitejes  hommes  a  brouiller  et  transfigurer  le  tout,  tellement  que  la  clarte  est  convertie  en  tenebres.  Il  faloit  bien  donc,  que  Dieu  donnast  remede  a  un  tel  mal.  Et  de  faict,  c'est  merveilles  comme  auiourd'huy  nous  avons  l'Evangile  qui  nous  soit  demeure  sauf  parmi  tant  de  troubles  que  Satan  a  machinees.  Car  ceux  qui  avoyent  este  disciples  des  Apostres  n'ont  pas  bien  retenu  leur  lecon  tous:  mais  il  y  a  eu  plusieurs  apostats,  qui  n'ont  cherche  sinon  de  pervertir  toute  purete,  et  y  ont  mis  toute  peine.  Et  si  Dieu  n'y  eust  resiste  d'une  vertu  plus  qu'humaine,  ii  est  certain  que  tout  estoit  corrompu:  mesmes  ii  n'y  eust  eu  nulle  certitude  de  foy  (et  c'est  comme  une  chose  incroyable)  que  le  Fils  de  Dieu  fust  apparu  au  monde.  Voyla  donc  pourquoy  il  a  falu,  et  a  este  plus  que  necessaire  que  nous  eussions  tesmoignage  escrit  de  ce  qu'il  nous  faut  scavoir  touchant  la  venue  du  Fils  de  Dieu  en  ce  monde:  pourquoy  il  nous  a  este  donne,  et  quel  fruit  nous  recevons  de  luy,  et  quelle  est  la  multitude,  et  la  variete  de  ses  graces.  Il  a  falu  que  tout  cela  nous  fust  testifie,  voire  et  par  escrit.  Et  mesmes  nous  voyons  qu'encores  Satan  a  suscite  de  nostre  temps  beaucoup  de  ses  supposts,  qui  ont  tasche  de  tout  pervertir,  qui  ont  lasche  la  bride  a  leurs  curiositez  pour  mesler  parmi  la  pure  simplicite  de  l'Evangile  leurs  folles  inventions.  Car  sur  quoy  est  forge  l'Alcoran  de  Mahommet,  sinon  que  l'Evangile  ne  leur  a  point  satisfait,  mais  qu'il  a  falu  avoir  d'autres  speculations,  voire  qui  ne  font  que  brouilleries,  et  des  absurditez  si  lourdes,  que  c'est  une  chose  si  sotte,  et  si  brutale,  que  les  petis  enfans  mesmes  pourroyent  iuger  qu'il  n'y  a  que  badinage?  Et  tant  y  a  que  voyla  neantmoins  une  grande  partie  du  monde  qui  est  ensorcelee,  pour  croire  a  des  illusions  et  tromperies  de  Satan  si  lourdes  et  enormes.  Autant  en  est-il  de  la  Papaute.  Car  si  nous  regardons  qui  est  la  cause  de  mettre  une  telle  confusion  par  tout,  nous  trouverons  que  c'est  d'autant  que  les  hommes  ont  eu  ceste  folle  convoitise  de  plus  scavoir  que  Dieu  ne  leur  avoit  laisse.  Et  de  faict,  le  Pape  n'a  point  honte  de  confesser  qu'il  ne  s'est  point  tenu  a  la  pure  doctrine  de  l'Evangile.  Il  est  vray  qu'il  prend  une  couverture,  qu'il  ha  du  sainct  Esprit  tout  ce  grand  amas  de  superstitions,  d'erreurs,  et  de  toutes  ces  vilenies  qu'il  a  mises  au  monde,  et  dont  tout  est  infecte.  Mais  cependant  voyci  Dieu,  qui  par  un  conseil  admirable  a  voulu  que  le  sommaire  de  nostre  salut  fust  couche  par  escrit.  Nostre  Seigneur  Iesus  Christ  n'a  pas  seulement  envoye  ses  Apostres  pour  prescher  de  bouche  l'Evangile:  mais  aussi  il  a  voulu  qu'il  y  eust  comme  un  tesmoignage  perpetuel,