4:4  4  Seigneur  (Ioel  3,  1),  etc.  Car  combien  qu'il  semble  restraindre  les  dons  de  l'Esprit  a  l'office  de  prophetie,  si  est-ce  que  sous  figure  il  signifie  que  Dieu  par  la  clarte  de  son  Esprit  se  formera  des  disciples,  de  ceux  qui  estoyent  au  paravant  idiots,  et  n'ayans  nul  goust  ne  saveur  de  la  doctrine  celeste.  Or  pource  que  Dieu  le  Pere  nous  elargit  de  son  Esprit  en  faveur  de  son  Fils,  et  neantmoins  en  a  mis  en  luy  toute  la  plenitude,  afin  de  le  faire  ministre  et  dispensateur  de  sa  liberalite  envers  nous  :  pour  ces  deux  raisons  l'Esprit  est  appelle  maintenant  du  Pere,  maintenant  du  Fils.  Vous  n'estes  plus  en  chair  (dit  sainct  Paul)  mais  en  esprit:  d'autant  que  l'Esprit  de  Dieu  habite  en  vous  (Rom.  8,  9).  Or  celuy  qui  n'a  point  l'Esprit  de  Christ,  n'est  point  a  luy.  Et  en  nous  voulant  asseurer  de  nostre  plenier  renouvellement,  il  dit  que  celuy  qui  a  ressuscite  Iesus  Christ  des  morts,  vivifiera  nos  corps  mortels  a  cause  de  son  Esprit  qiii  habite  en  nous  (Rom.  8,  ll).  Car  il  n'y  a  nulle  absurdite,  d'attribuer  au  Pere  la  louange  de  ses  dons,  desquels  il  est  autheur:  et  cependant  dire  le  semblable  de  Iesus  Christ,  puis  que  ces  mesmes  dons  luy  ont  este  commis  en  depost,  pour  en  elargir  aux  siens  comme  il  luy  plaira.  l)  Voyla  pourquoy  il  convie  a,  soy  tous  ceux  qui  ont  soif,  afin  qu'iis  boyvent  (Iean  7,  37).  Et  sainct  Paul  dit  que  l'Esprit  est  distribue  a  chacun  des  membres  selon  la  mesure  de  la  donation  de  Christ  (Ephes.  4,  7).  Davantage  il  est  a,  noter,  qu'il  est  nomme  Esprit  de  Christ:  non  pas  en  tant  que  le  Fils  eternel  de  Dieu  en  son  essence  divine  est  conioint  en  un  mesme  Esprit  avec  le  Pere,  mais  aussi  quant  a  la  personne  de  Mediateur:  pource  que  sa  venue  seroit  frustratoire,  s'il  n'estoit  descendu  a  nous  muni  de  telle  vertu.  En  ce  sens  il  est  nomme  le  second  Adam,  estant2)  procede  du  ciel  en  Esprit  vivifiant  (1  Cor.  15,  45).  Car  sainct  Paul  compare  la  vie  speciale,  que  Jesus  Christ  inspire  a  ses  fideles,  pour  les  unir  a  soy,  avec  la  vie  sensuelle,  qui  est  aussi  bien  commune  aux  reprouvez.  Semblablement  quand  il  prie  que  la  charite  de  Dieu,  et  la  grace  de  Christ  soit  sur  les  fideles  (2  Cor.  13,  13),  il  adiouste  la  communication  de  l'Esprit,  sans  laquelle  iamais  nul  ne  goustera  ny  la  faveur  paternelle  de  Dieu,  ny  les  benefices  de  Christ.  Comme  nous  lisons  en  l'autre  passage,  que  la  charite  de  Dieu  est  espandue  en  nos  coeurs,  par  le  sainct  Esprit  qui  nous  est  donne  (Rom.  5,  5).  3.  Il  nous  servira  icy  de  noter  quels  tiltres  l'Escriture  attribue  a  l'Esprit,  quand  il  est  question  du  commencement  et  de  tout  le  cours  de  la  restau-  1)  comme  il  luy  plaira,  n'est  pas  dans  le  latin,  2)  estant  .  .  .  .  vivifiant,  ie  latin  dit:  e  coelo  datus  in  spiritum  vivificantem.