35:4  4  Bueite,  de  Ia  maison  de  Bam.  Car  ici  nous  voyons  l'anciennete  en  premier  lieu,  de  laquelle  ci  dessus  nous  avons  touche:  et  c'est  le  principal  aussi  que  Dieu  nous  a  voulu  declarer,  qu'il  y  estoit  demeure  quelque  bonne  semence  de  religion  entre  ceux  qui  estoyent  enveloppez  en  beaucoup  de  vaines  phantasies.  Or  c'est  un  article  bien  notable:  car  nous  savons  comme  le  monde  s'est  tantost  revolte,  et  que  tous  s'estoyent  destournez  a  corruptions  et  mensonges.  Ie  di  apres  le  deluge,  combien  qu'il  y  eust  une  vengeance  de  Dieu  si  horrible,  et  digne  de  memoire,  et  que  les  enfans  de  Noe  qui  estoyent  eschappez,  ayans  vescu  long  temps  apres,  pouvoyent  instruire  leurs  enfans  et  successeurs,  comme  Dieu  s'estoit  venge  de  la  malice  du  monde.  Tant  y  a  donc  que  cela  n'a  point  empesche  que  tous  ne  se  soyent  revoltez,  et  n'ayent  laisse  la  droite  religion  pour  se  destourner  a  mensonges,  a  idolatries,  et  a  tous  desbordemens.  Et  en  cela  voyons-nous  que  les  hommes  sont  si  fragiles  que  rien  plus,  et  qu'il  n'est  rien  plus  difficile  que  de  les  retenir  en  la  crainte  de  Dieu,  et  en  la  bonne  religion.  Il  est  vrai  que  quant  au  mal  nous  ne  sommes  que  par  trop  constans,  on  ne  nous  peut  faire  fleschir:  et  quand  on  voudra  corriger  le  mal  en  nous,  on  ne  sait  par  quel  bout  commencer,  on  n'en  peut  venir  a  bout,  d'autant  qu'il  y  a  une  telle  durte  que  c'est  pitie:  voire,  mais  du  bien  nous  le  perdons  tantost,  il  ne  faut  rien  pour  nous  en  desbauches  Nous  avons  un  beau  miroir  de  cela,  qui  nous  est  monstre  en  ce  que  tantost  apres  le  deluge  les  hommes  se  sont  ainsi  esgarez,  et  ont  laisse  la  pure  cognoissance  de  Dieu,  combien  qu'elle  leur  fust  monstree.  Or  cependant  nous  voyons  en  cest  exemple  de  la  personne  d'Eliu,  que  Dieu  toutes  fois  a  laisse  quelque  bonne  semence  au  milieu  des  tenebres,  et  qu'il  y  a  eu  quelque  doctrine  bonne  et  saincte.  Et  pourquoi?  Afin  que  les  incredules  fussent  rendus  inexcusables,  tellement  qu'il  ne  faut  point  alleguer  l'ignorance  qui  regnoit  par  tout.  Car  a  qui  a-il  tenu  que  Dieu  n'ait  este  purement  servi  et  adore,  sinon  que  les  hommes  lui  ont  tourne  le  dos?  Et  ne  l'ont  point  fait  par  une  simplicite,  a  laquelle  ils  puissent  donner  couleur  honneste:  c'a  este  plustost  une  malice  certaine.  Les  hommes  ne  veulent  point  qu'on  les  trompe,  ni  n'en  font  le  semblant:  mais  quand  il  est  question  de  servir  a  Dieu,  ils  ferment  les  yeux,  ils  esteignent  toute  clarte  qui  luisoit,  ils  ne  demandent  sinon  de  s'addonner  a  toutes  tromperies.  Cela  donc  nous  est  ici  declare.  Or  nous  devons  bien  peser  ce  qui  a  este  traitte  par  ci  devant,  qu'encores  que  ceux-ci  n'eussent  este  Prophetes  de  Dieu,  si  est-ce  que  la  doctrine  qui  est  sortie  d'eux  avoit  une  telle��  maieste  qu'elle  estoit  bien  digne  de  la  personne  des  Prophetes.  Vrai  est