34:4  4  de  Dieu,  que  nous  soyons  exhortez  a  patience,  cela  nous  eschappera  que  nous  n'y  penserons  gueres.  Il  est  vrai  que  le  propos  ne  nous  sera  point  obscur:  mais  si  nous  sommes  affligez,  et  qu'on  nous  ramentoive  ce  qu'on  nous  aura  dit,  ne  pensons  point  que  ce  soit  un  langage  superflu.  Et  pourquoi?  Car  il  est  question  de  pratiquer  ce  qu'auparavant  nous  avons  ouy,  ce  que  nous  avons  entendu:  mais  nous*n'en  avions  point  este  touchez  au  vif,  d'autant  que  l'occasion  ne  s'y  addonnoit  pas.  Mais  si  Dieu  nous  presse  de  quelque  angoisse  et  tristesse,  alors  il  nous  fait  gouster  les  consolations  qu'on  aura  tire  et  produit  de  sa  parole.  Et  de  fait  Iob  n'a  pas  este  comme  ces  delicats,  qui  appetent  tousiours  ie  ne  sai  quoi  de  nouveau,  et  qui  ne  peuvent  souffrir  qu'on  leur  dise  un  mesme  propos  deux  fois,  O  i'ai  entendu  cela,  ie  n'ai,  diront-ils,  que  faire  d'avoir  les  aureilles  battues  de  ce  propos.  Voire,  mais  cependant  ils  ont  besoin  de  tout  bien  mediter,  et  quand  on  nous  reitere  une  chose,  c'est  pour  nostre  grand  profit  et  nostre  advancement.  Or  Iob  n'a  pas  este  ainsi,  il  ne  s'est  point  despite,  pour  ne  tenir  conte  d'une  doctrine  pourtant  qu'elle  estoit  commune.  Il  n'a  point  aussi  voulu  avoir  des  curiositez:  mais  simplement  (comme  desia  nous  avons  dit)  il  monstre  que  son  mal  estoit  si  enorme,  qu'il  avoit  besoin  d'estre  console  d'une  facon  extraordinaire.  Comme  quand  il  y  aura  une  maladie  commune,  on  usera  aussi  d'un  remede  leger:  mais  si  la  maladie  est  aigre,  il  faut  que  le  medecin  poursuive  plus  outre.  Car  s'il  vouloit  appliquer  les  mesmes  remedes  a  tous  maux,  et  que  seroit-ce?  Autant  en  est-il  des  afflictions.  Nous  verrons  un  homme  qui  sera  afflige  en  la  mort  de  son  pere,  ou  de  sa  femme,  ou  de  ses  enfans,  il  lui  sera  advenu  quelque  dommage.  Et  bien  on  lui  apportera  quelque  consolation  moyenne,  et  ce  que  Dieu  a  propose.  Mais  s'il  y  a  quelqu'un  qui  ne  soit  point  tormente  en  une  facon  seulement,  mais  qu'il  sente  que  la  main  de  Dieu  le  persecute  de*  tous  costez:  quand  il  lui  sera  advenu  un  mal,  qu'il  y  ait  le  second  et  le  troisieme,  et  qu'il  ne  soit  pas  seulement  afflige  en  son  corps,  en  sa  personne,  en  ses  biens,  et  en  ses  amis:  mais  qu'il  ait  (comme  nous  avons  veu  de  Iob)  des  tentations  spirituelles,  comme  si  Dieu  le  vouloit  abysmer:  la  il  y  faut  proceder  d'une  facon  plus  exquise.  Car  quand  on  voudra  molester  un  povre  homme  qui  aura  le  coeur  abbatu,  dequoi  lui  servira  tout  ce  qu'on  lui  pourroit  apporter?  Il  vaudroit  beaucoup  mieux  qu'on  se  teust,  et  que  Dieu  y  besongnast  pour  suppleer  au  defaut  des  hommes.  Voila  donc  ce  que  Iob  a  entendu.  Voici  Eliphas  qui  allegue  a  Iob  que  Dieu  punit  les  meschans,  afin  de  se  monstrer  Iuge  du  monde,  et  qu'ils  auront  beau  se  munir,  qu'ils  ne