13:4  4  Fidelissimo  Iesu  Christi  servo  Ioanni  Calvino  Genevensis  ecclesiae  pastori  fratri  et  symmystae  quam  carissimo.  Genevae.  S.  Quid  Bernae  egerim  scribam  alias  latius,  quum  plus  otii  nactus  fuero.  Hoc  solum  te  in  praesentia  scire  volui,  bonam  esse  spem  de  exitu  negotii  nostri.  Omnes  utriusque  partis  me  humanissime  exceperunt.  HaUerum  conveni,  de  quo  mihi  bona  spes  est.  Salutavi  per  occasionem  Iodocum  et  Ebrardum,  quia  mihi  forte  in  via  facti  sunt  obvii.  Non  sum  cum  iis  diu  colloquutus,  quia  non  ferebat  tempus.  Non  fuerunt  autem  in  me  tam  feroces,  sed  omnia  officia  obtulerunt.  Ego,  si  per  negotia  licuisset,  et  opportunum  esse  iudicassem,  cum  illis  expostulassem  :  sed  malui  in  aliud  differre  tempus.  Hallerus  te  salutat  plurimum,  et  se  brevi  ad  te  scripturum  recepit.  Dimissus  sum  a  senatu  die  Saturni  proximo  :*)  quem  tamen  insumpsi  in  colloquiis  cum  amicis,  quia  quamdiu  fuimus  occupati  in  recognoscendis  illis  disputationibus,  de  quibus  ad  te  scripsi,  nullum  fuit  otium.  Donatus  sum  sex  aureis  nummis  cum  sumptibus.  Meus  Ludovicus2)  scriba  non  magnam  laudem  assequutus  est  ex  sua  transscriptione  :  nam  adeo  fuit  audax  et  arrogans,  ac  sibi  sapiens  et  confidens,  ut  multis  in  locis  exemplar  corruperit,  dum  sua  voluit  autoritate  corrigere  et  pro  arbitrio  quae  voluit  mutare,  addere,  detrahere  aut  invertere.  Taceo  quae  omissa  sunt  ipsius  incuria  et  negligentia.  Rediens  transii  Neocomo,  idque  senatus  iussu  ut  dispicerem  apud  Farellum  num  quaedam  quae  in  meo  exemplari  desiderabantur  ab  exemplari  I  ar  eiii  resarciri  possent,  quamvis  ea  non  sint  magni  momenti.  Salutant  te  Farellus  et  Christophorus.  Non  dubito  quin  negotium  nostrum  transigi  possit  aequa  aliqua  conditione.  Vereor  tantum  ne  liber  meus  de  ministerio  editus  novas  pariat  mihi  turbas3)  hoc  tempore,  quo  nihil  est  tam  moderatum  et  simplex  quod  non  trahatur  in  sinistram  suspicionem.  Iacta  tamen  est  alea.  Nescio  an  ei  praefixa  fuerit  epistola  quam  ad  te  miseram.4)  Velim,  sive  praefixa  sive  omissa  sit,  tuum  super  hac  re  audire  consilium.  Et  si  mihi  unus  sit  liber  offerendus5)  quid  mihi  sit  consilii  ea  in  re  sequendum.  Alia  sunt  quaedam  de  rebus  nostris  quae  tibi  malim  in  aurem  dicere  quam  scripto  committere.  Salutat  te  Robertus,  urbanus  1044.  1)  7  Iulii.  2)  Ipse  Mercerus  qui  scribae  vicibus  olim  Lausannae  functus  erat  3)  Nec  absque  causa  hoc  timebat.  4)  Vide  N.  1048.  5)  Sic  et  apographa.  In  autographo  dubia  lectio  et  fortasse  legendum:  afferendus.