11:4  sent  en  doctrine  destre  arriens  et  sabelyens,  et  aultres  plussieurs  oultrages  contenu  en  sa  supplication,  et  quon  entend  quil  a  dict  tant  en  predication  que  aultre  part.  Et  oultre  ce  de  ce  quil  avoit  prins  sa  femme  de  bonne  rasse  et  gens  de  biens  en  luy  faisant  iniure,  et  a  la  saincte  parolle  de  Dieu  en  blasmant  le  sainct  estat  de  mariage  a  dict  icelluy  estre  illegitime,  en  demandant  de  ce  pardon  au  pape  comme  dune  chose  meschante.  Surquoy  ont  demande  audit  Caroly  sil  avoit  entendu  en  la  predication  de  Farel  ny  des  aultres  ny  aultrement  en  leur  doctrine  que  aucunement  ilz  nyassent  la  divinite  de  Iesus  Christ  et  qui  ne  fust  vray  Dieu  esgal  au  pere  et  dune  mesme  essence,  comme  Arius  nyoit,  ne  aussy  la  vraye  distinction  qui  est  entre  le  pere  et  le  filz  et  le  sainct  esperit,  les  confondans  comme  Sabelius  et  quil  naye  vrayement  declairer  combien  que  le  pere  le  fil  et  le  sainct  esperit  ne  soye  quun  Dieu,  une  mesme  essence  divinite  et  sustance,  neanmoings  le  pere  nest  point  le  filz  et  nest  point  engendre  du  filz,  mais  le  filz  est  engendre  du  pere  eternellement  et  nest  point  le  pere,  et  le  sainct  espes  it  nest  le  filz  ne  le  pere  mais  il  procede  diceulx,  et  le  pere  et  le  filz  ne  procedent  point  du  sainct  esperit:  et  sy  ne  tient  telle  doctrine  estre  sainne.  Et  sy  scaict  rien  en  toute  la  doctrine  quon  propose  quil  le  die  rondement  et  franchement  car  on  est  prest  de  loyr  amiablement.  Surquoy  respondit  ledict  M.  Caroly  que  aultrefoys  il  a  dit  quil  tenoit  les  predications  bonnes  et  que  desdictz  Farel  et  aultres  navoit  oy  que  choses  de  sainne  doctrine  et  quil  ne  les  tient  aultres  que  bien  sentans,  principalement  avoir  veu  la  confession  faicte  a  Berne  de  vouloir  user  du  noms)  des  personnes,  et  que  ce  quil  avoit  faict  estoit  a  cause  daucuns  rapors  quil  avoit  oy,  et  quil  nentendoit  pas  sy  bien  lintention  de  ceulx  quil  avoit  accuse  comme  de  present,  et  que  aussy  avoit  este  occasionne  de  ce  quon  disoit  les  symboles  navoir  este  droictement  approuve  de  leglise,  et  quon  disoit  que  en  iceulx  il  y  avoit  une  repetition  quon  appelle  battalogie  ou9)  consonnance  ridicule,  de  dire  Dieu  de  Dieu,  lumiere  de  lumiere,  Dieu  vray  de  Dieu  vray,  comme  aussy  de  ce  que  la  confession  de  ceulx  de  Genesve  contenoit  que  Iesuchrist  estoit10)  Iehova  qui  a  eu  tousiours  estre  de  soy  avant  que  la  declaration  fut  faicte  de  ce,  neanmoings  quil  estime  aultrement:  car  sil  estimoit  les  freres  hereticques  quil  ne  fust  pas  retorne  de  par  deca.  Mais  quelque  chose  quil  y  aye  en  la  supplication,  laquelle  il  nye  estre  faicte  de  luy  mais  avoir  este  couchee  par  lofficial  de  Lyon,  et  il  ne  tient  ne  repute  les  freres  aultres  que  vrays  chrestiens  8)  de  la  trinite  et  S.  9)  vattalogie  en  S.  10)  est  S.