9:399  399  EXPOSITIO  IMPIETATIS  400  Si  singulas  sententias  quae  pro  me  faciunt,  calamo  persequi  vellem,  ingens  mihi  opus  scribendum  esset  Melius  enim  exstat  doctor,  quin  aliquando  hanc  meam  sententiam  non  attigerit,  etiam  ipse  dominus  Calvinus.  Sed  quando  Irenaeus  et  Tertullianus  videntur  ex  professo  Ulam  tueri,  caeteris  relictis,  his  contentus  esse  volui.  Res  est  maximi  momenti,  optimi  viri  Dei.  Agitur  enim  de  cognitione  veri  patris,  et  de  vera  cognitione  filii  et  spiritus  sancti:  quorum  veram  gloriam  et  maiestatem  si  quisquam  alius  tuendam  susceperit,  vos  probe  scio  usque  ad  supremam  guttulam  sanguinis  tuiturum.x)  Quamobrem,  optimi  viri  Dei,  vestrum  est,  prius  quam  sententiam  feratis,  hasce  autoritates  diligenter  dispicere,  locos  scripturarum  [pag.  67]  perpendere,  et  vestram  operam  unico  Uli  Deo  bona  fide  praestare.  Sic  enim  facientes,  pro  certo  habeo,  tot  monstra,  quae  tamdiu  trinitatem  invaserunt,  spiritu  Dei,  qui  habitat  in  vobis,  vos  facile  interempturos:  ipsamque  trinitatem,  tot  hactenus  impetitam  blasphemiis  et  conspurcatam,  in  pristinum  suum  nitorem  ac  candorem  vindicaturos.  Quod  si  qui  meam  distinctionem  reiiciunt,  veram  illam  quidem  et  sacris  literis  apprime  consentaneam,  ipsi  suam  in  lucem  proferant.  Nam  quae  vanitas  est  haec,  distinctionem  asserere,  et  interim  nullam  proferre  ?  Exspecto  igitur  magno  cum  desiderio  vestrum  oraculum,  imo  Dei  per  vos.  Valete  christiani  Hercules,  verique  heroes,  non  immemores  captivitatis  meae.  E  carceribus.  Postridie  scripto  quoque  respondimus,  in  eum  qui  sequitur  modum  :  2)  Antehac  putavimus  errore  te  labi  ac  ignorantia  :  nunc  ex  postremo  tuo  sermone  et  scripto  deprehendimus  et  perversi  ingenii  hominem,  et  fastus  intolerabilis,  et  virulentiae  deditum,  et  maligno  spiritu  imbutum,  denique  haereticum  pervicacem.  Quod  non  dicimus  conviciandi  causa,  sed  ut  hanc  pravitatem  exuere  discas,  et  ad  docilitatem  flectaris:  [pag.  68]  quia  initium  resipiscentiae  tuae  erit  (si  tamen  resipiscere  tibi  dabitur)  modestia  et  humilitas  cum  sincero  pietatis  studio  coniuncta.  Zelum  apud  nos  martyris  Christi  frustra  obtendis,  quem  perspicimus  mera  arrogantia  fuisse  adductum,  ut  impium  errorem  et  absurdissimum  obtruderes.  Plausibile  tibi  est  principium  illud,  Deum  Israel,  quem  sacrae  literae  asserunt  verum  Deum,  esse  patrem  Iesu  Christi:  ipsum  vero  Christum  esse  unici  Dei  filium.  Atqui  clare  apparet,  quum  patrem  1)  Sic  libri  latini.  Gallus:  Vous  maintiendrez.  2)  Beza  scripsit:  Haec  tum  ille.  Nos  vero  postridie  caet.