7:399  399  ACTA  SYNODI  TRIDENTINAE  400  secundum,  christianae  politiae  severum  exactorem:  qui  utinam  a  suo  cubiculo  inciperet:  tertium,  angelum:  qui  utinam  ambitionem,  praecipuam  carnis  partem,  exuisset.  Tandem  illi  concilium  est  nova  Ierusalem:  et  quid  non?  Hoc  scilicet  profectum  est  gravi  illa  obtestatione,  qua  usi  fuerant  legati,  ne  quispiam  laudaretur.  l)  Verum  illud  perquam  facetum,  quod,  quum  haec  omnia  dicturus  esset,  indignationem  suorum  deprecatur.  Nemo,  inquit,  vestrum  mihi  succenseat.  Nam  meliora  sunt  vulnera  diligentis,  quam  fraudulenta  oscula  odientis.  Immites  sane  et  formidabiles  esse  bestias  oportet,  si  tam  blandis  palpationibus  irritantur.  Quid  enim  facerent  durius  lacessitae?  Postea  quasi  placatis  illis  securus  exsultat:  Venimus,  vidimus,  vicimus.  Potuit  hoc  quidem  iactare  Caesar.  Sed  quam  ridiculi  sunt  isti  paeanes  in  umbra  vallis  Tridentinae,  extra  hostis  conspectum?  Velim  enim  scire  quid  viderint,  ut  vincerent.  Periculum  est,  ne  me  calumniari  excipiat:  quum  ratio  mox  sequatur,  apertis  concilii  foribus,  apertas  esse  fores  coeli:  nempe,  nisi  omnibus  palam  esset,  quantum  inter  concilium  et  coelum  intersit.  Sed  homini  deliro  concedendum  est,  si  extra  metas  vagatur.  Proinde  sibi  gratulatur,  restitutam  esse  ecclesiam,  quae  [pag.  67]  iam  ad  interitum  inclinaverat,  nisi  nova  lux  Dei,  et  eius  qui  ad  Deum  proxime  accedit,  Pauli  tertii  oblata  esset.  Quid?  etiamne  angelis,  etiamne  prophetis  et  apostolis  superior  est  Paulus?  Video  quid  sit.  Legerat  Ciceronem  (quem  paulo  deterius  imitatur,  quam  hominem  simia)  populo  romano  sic  aliquando  fuisse  adulatum.  Tam  bellum  dicterium  perdere  noluit.  Sed  interim,  quae  pia  mens  non  talem  blasphemiam  exsecretur?  Quis  spiritum  synodo  abesse  neget,  quem  talibus  flabellis  videmus  excitari?  Quanquam  episcopulus  de  sanctissimi  Pauli  et  patrum  clementia  magnifice  concionatur.  Praedicat  enim  Paulum  sui  oblitum,  nostri  memorem,  nihil  nisi  humanum  et  paternum  meditari.  Atque  hoc  quidem  sperabimus,  adeo  mansuetum  esse  Pauli  animum,  ubi  ipsum  sui  oblitum  esse  apparuerit.  Fucus  tamen  iste  aliquanto