5:399  RESPONSIO  finem  hunc  habet,  ut  vitam  coram  Deo  traducamus  puram  et  impollutam,  sic  et  gratuita  iustificatio.  Verum  enim  est  illud  Pauli,  nos  minime  ad  immunditiem  vocatos  esse,  sed  ad  sanctitatem  (1  Thess.  4,  7).  Interim  constanter  hoc  retinemus,  hominem  non  modo  semel  gratis  iustificatum,  nullo  operum  merito,  sed  hac  gratuita  iustitia  hominis  salutem  perpetuo  constare.  Neque  etiam  aliter  fieri  posse,  ut  acceptum  sit  Deo  ullum  hominis  opus,  nisi  per  eam  approbetur.  Quamobrem  vehementerx)  obstupefactus  sum,  quum  apud  te  legerem,  caritatem  principem  esse  ac  potissimam  salutis  nostrae  causam.  O  Sadolete,  quis  abs  te  unquam  talem  vocem  exspectasset  ?  Caeci  profecto  ipsi  certius  in  tenebris  palpant  Dei  misericordiam,  quam  ut  salutis  suae  principatum  caritati  ausint  arrogare.  Qui  vero  vel  scintillam  unam  habent  divinae  lucis,  sentiunt  non  alia  re  constare  sibi  salutem,  quam  quod  sunt  a  Deo  adoptati.  Est  enim  aeterna  salus,  haereditas  coelestis  patris,  quae  solis  eius  filiis  est  praeparata.  Porro,  quis  aliam  adoptioni  nostrae  causam  assignet,  [fol.  31]  quam  quae  passim  a  scriptura  praedicatur?  Quod  scilicet  non  priores  dilexerimus  eum,  sed  ultro  in  gratiam  ac  benevolentiam  ab  eo  recepti  simus.  Ab  hac  caecitate  error  etiam  ille  emergit  quod  poenitentiis  et  satisfactionibus  expiari  peccata  doces.  Ubi  ergo  erit  illa  unica  hostia  piacularis,  a  qua  si  disceditur,  nullum  omnino  piaculum  restare  testatur  scriptura?  Percurre  quidquid  habemus  oraculorum  Dei:  si  unicus  Christi  sanguis  ubique  pro  satisfactionis  pretio,  pro  pacificatione,  pro  ablutione  proponitur,  qua  confidentia  tantum  honorem  ad  tua  opera  transferre  audes?  Nec  est,  quod  sacrilegium  hoc  ecclesiae  Dei  adscribas.  Habuit,  fateor,  vetus  ecclesia  suas  satisfactiones:  non  illas  tamen,  quibus  Deo  litarent  peccatores,  seque  a  noxa  redimerent,  sed  quibus,  et  quam  profitebantur  resipiscentiam  non  esse  fictam  approbarent,  et  eius  offensionis,  quae  ex  eorum  peccato  excitata  erat,  memoriam  delerent.  Non  enim  quibuslibet,  sed  iis  modo,  qui  in  grave  aliquod  flagitium  prolapsi  erant,  solenni  ritu  praescribebantur.  In  eucharistiae  causa,  id  reprehendis,  quod  Dominum  ipsum  universi,  et  divinam  in  eo  spiritualemque  potentiam  (quue  prorsus  libera  et  infinita  est),  in  angulos  corporeae  naturae,  quae  suis  cancellis  est  circumscripta,  conamur  includere.  Et  quis  tandem  calumniis  erit  finis?  Nos  diserte  semper  testati  sumus  divinam  Christi  non  modo  potentiam,  sed  essentiam  quoque  diffundi  per  omnia,  nullis  finibus  limitari:  tu  -autem  exprobrare  nobis  non  dubitas,  fuisse  in  angulos  corporeae  naturae  a  nobis  inclusam?  Qui  sic?  Quia  corpus  eius  noluimus  terrenis  1)  vehementer,  om.  1576  seqq.