47:399  399  IN  EVANGELIUM  IOANN  18  400  Christi  rabies  et  quam  tyrannicum  imperium:  deinde,  qualis  inter  sacerdotes  illos  disciplina.  Sedent  quasi  iudices  :  interea  saeviunt  ut  truculentae  belluae.  Coactum  est  concilium,  in  quo  summa  vigere  gravitas  debebat:  minister  unus  tantum  licentiae  sibi  sumit,  ut  in  media  causae  actione  in  conspectu  iudicum  reum,  qui  nulla  in  re  noxius  repertus  est,  caedat.  Quare  non  mirum,  si  in  tam  barbaro  consessu  damnatur  Christi  doctrina,  a  quo  non  modo  omnis  aequitas  exsulat,  sed  omnis*  quoque  humanitas  et  pudor.  23.  Si  male  loquutus  sum.  Hoc  est,  si  peccavi,  accusa:  ut  causa  dicta  pro  modo  delicti  plectar,  neque  enim  haec  est  legitima  agendi  ratio,  sed  longe  alius  ordo  et  alia  modestia  iudiciis  convenit.  Conqueritur  ergo  Christus  gravem  sibi  factam  esse  iniuriam,  si  nihil  peccaverit:  quod  si  peccaverit,  legitime  tamen  et  non  violento  impetu  agendum  esse.  Sed  videtur  hic  Christus  minime  servare  quod  alibi  suis  praecipit.  Neque  enim  dextram  maxillam  ei  porrigit,  a  quo  in  sinistra  percussus  fuerat.  Respondeo,  non  requiri  semper  in  christiana  patientia,  ut  qui  caesus  est  tacitus  devoret  iniuriam,  sed  primum  ut  aequo  animo  eam  perferat:  deinde,  ut  de  ultione  non  cogitans  potius  studeat  vincere  malum  bono.  Improbos  iam  pius  aequo  spiritus  Satanae  ad  nocendum  impellit,  ut  nemo  illos  irritet.  Absurde  igitur  exponunt  Christi  verba,  qui  trahunt  in  eam  partem,  ac  si  iuberet  nocendi  plus  satis  cupidos  novis  stimulis  incitari.  Neque  enim  aliud  sibi  vult,  quam  ut  ad  secundam  iniuriam  ferendam  quisque  nostrum  potius  paratus  sit  quam  ut  primam  retaliet.  Quare  nihil  obstat,  quin  expostulet  homo  christianus  indigne  laesus,  modo  animus  ab  iracundia  vacuus  sit  et  manus  a  vindicta  purae.  24.  Miserat  autem  Annas.  Sententia  haec  per  parenthesin  legenda.  Quia  enim  dixerat,  Christum  deductum  fuisse  ad  Annae  aedes,  et  ita  narrationem  suam  prosequutus  fuerat,  quasi  illic  habitus  esset  sacerdotum  conventus,  nunc  admonet,  traductum  fuisse  in  aedes  pontificis.  Quia  autem  verbi  tempus  multos  decepit,  reddere  malui  in  tempore  plusquamperfecto,  Miserat.  25.  Erat  autem  Simon  Petrus  stans  et  calefaciens.  Dixerunt  ergo  ei:  Numquid  et  tu  ex  discipulis  eius  es  P  Negavit  ille  et  dixit:  Non  sum.  26.  Dixit  unus  ex  servis  pontificiSj  qui  cognatus  eius  erat  cui  Petrus  absciderat  auriculam:  Nonne  ego  te  vidi  in  horto  cum  illo?  27.  Rursum  ergo  negavit  Petrus:  et  confestim  gallus  cecinit  25.  Negavit  ille.  Horrendus  Petri  stupor,  qui  magistro  negato  non  modo  nulla  poenitentia  tangitur,  sed  ipsa  peccandi  licentia  se  indurat.  Si  sin-