41:399  399  SERMON  VIII.  400  de  Darius,  car  il  faut  bien  que  nous  confessions,  que  c'est  un  don  singulier,  que  Dieu  luy  avoit  fait,  que  luy  estant  Roy  si  puissant,  et  aiant  este  nourri  aux  idolatries  et  abominations  des  paiens,  que  neantmoins  il  a  conneu  que  c'est  du  Dieu  vivant,  que  Dieu  luy  a  fait  ce  don  la,  qu'il  veut  garder  Daniel  :  et  pourquoy?  d'autant  qu'il  a  servi  au  Dieu  d'Abraham.  Voila  une  bonte  grande,  qui  est  en  luy,  que  combien  que  Daniel  ait  offence  en  apparence,  qu'on  luy  vienne  soufler  en  l'aureille,  comme  dois  tu  pardonner  a  cest  homme  ci,  veu  l'offence  qu'il  a  commise  contre  toy?  Regarde  quel  bien  tu  luy  as  fait,  car  c'estoit  un  pauvre  captif,  un  esclave,  et  tu  l'as  constitue  et  esleve  en  telle  dignite,  qu'il  est  sur  ton  Royaume.  Et  sur  cela  neantmoins  il  n'a  point  eu  d'esgard  a  toy,  ni  a  l'edit  que  tu  as  fait,  nonobstant  toutes  ces  choses,  le  Roy  Darius  cerche  de  le  delivrer.  Et  toutesfois  il  est  vaincu,  quelque  bonne  affection  qu'il  ait,  et  pourquoy?  Pource  qu'il  n'avoit  point  cette  constance,  qui  estoit  requise.  Pourtant  prions  Dieu,  que  quand  il  nous  aura  donne  quelque  bonne  affection  de  le  servir,  qu'il  nous  donne  la  constance  d'y  perseverer  iusques  en  la  fin,  que  nous  bataillions  a  rencontre  de  toutes  les  tentations  qui  nous  pourroient  advenir.  Et  cependant  il  nous  faut  aussi  noter,  qu'en  cette  histoire  nous  avons  un  exemple  de  ce  qui  se  fait  ordinairement  au  monde,  c'est  a  scavoir  que  les  meschans  auront  une  affection  si  ardente  que  rien  plus,  pour  machiner  et  ruiner  les  enfans  de  Dieu.  Ce  pendant  comment  est  ce  qu'ils  sont  maintenus?  il  ni  aura  personne.  Et  ceux  qui  sont  bons,  qui  auront  quelque  bonne  affection,  seront  si  refroidis,  que  c'est  pitie  il  ne  faudra  qu'un  couple  de  meschans,  pour  renverser  tout  ordre,  et  toute  police,  pour  mettre  toutes  les  corruptions  du  monde,  que  quand  un  couple  de  meschans  seront  ainsi  bandes,  s'il  y  en  a  puis  apres  une  douzaine  ou  plus,  de  gens  qui  demandent,  que  les  choses  aillent  bien,  ils  ne  gaigneront  rien,  et  qui  est  cause  de  cela?  c'est  le  diable  qui  transporte  ces  gens  ici,  et  les  enflambe  tellement  que  ce  seront  d'eux  fornaises  ardentes,  non  point  pour  brusler  une  forest  tant  seulement,  mais  une  mer.  Et  ce  pendant  que  sera  ce  de  ceux  qui  ont  quelque  bonne  affection,  pour  maintenir  le  droit?  ils  seront  si  froids  que  rien  plus,  il  est  vray  comme  i'ay  dit,  qu'ils  voudroient  bien  que  les  choses  fussent  mieux  disposees  qu'elles  ne  sont  pas,  mais  ce  pendant  ils  ne  se  viennent  pas  opposer  au  mal,  pour  maintenir  la  gloire  de  Dieu.  Cela  n'est  point  accoustume  d'estre  veu  au  monde,  et  nous  en  voions  ici  l'exemple  au  Roy  Darius,  il  eust  bien  eu  cette  autorite  de  sauver  Daniel  de  cest  edit,  qu'il  avoit  fait,  mais  cependant  il  est  vaincu  par  ses  princes  et  gouverneurs.  Et  ainsi  que  nous  soions  admonestes  de  deux  choses,  la  premiere  est,  que  nous  voions  que  ces  tirans