32:399  399  PSALMUS  CXLIII.  400  e  carcere  animam  meam,  ut  celebrem  nomen  tuum:  me  coronabunt  iusti,  quia  rependens  mihi.  6.  (Clamavi  ad  te.)  Iam  quo  Deus  magis  opem  suam  acceleret,  attenuatum  se  David  queritur,  redactumque  ad  extrema,  et  clamoris  voce,  ut  alibi  diximus,  vehementiam  notat.  Tandem  sibi  redemptione  opus  esse  dicit,  quia  captivus  teneatur.  Nam  quod  per  carcerem  quidam  intelligunt  speluncam,  nimis  restrictum  est.  Quod  additur  in  fine,  coronabunt  me  iusti,  secus  ab  aliis  vertitur,  nempe  exspectabunt  me.  Retinui  veram  et  nativam  significationem.  Quanquam  metaphorice  poni  fateor  pro  circumdare:  ac  si  dixisset  se  fore  omnibus  spectaculo  :  quia  omnes  ad  tam  claram  liberationem  undique  convertent  oculos.  Si  cui  magis  placeat  citra  figuram  legere,  sensus  erit,  Non  tantum  mihi  gratulabantur  iusti,  sed,  victoriae  causa,  capiti  meo  coronam  imponent.  Sunt  etiam  qui  sic  interpretentur  ,  Convenient  ad  gratulandum,  et  stabunt  omni  ex  parte  coronae  instar.  Caeterum  quia  ad  verbum  est,  Coronabunt  in  me,  quidam  subaudiunt  aliud  pronomen,  quod  scilicet  iusti  ad  gloriam  snam  transferent  beneficium  Davidi  collatum  :  quia  Deus,  quoties  unum  aliquem  liberat  ex  suis,  alios  omnes  ad  eandem  spem  invitans  corona  donat.  Simplicius  tamen  est  quod  posui,  gratiam  hanc,  quasi  in  theatro,  conspicuam  omnibus  fore,  ut  iustis  celebre  sit  documentum,  ad  fulciendam  eorum  fidem.  Nam  verbum  "j^jj  Hebraeis  latius  patet  quam  rependere,  et  tantundem  valet  ac  conferre  beneficium,  sicuti  aliis  locis  diximus.  PSALMUS  CXLIII.  ARG.  Quanquam  Davidi  negotium  crat  cum  sceleratis  hostibus,  qui  non  minus  iniuste  quam  crudeliter  eum  premebant  :  quia  tamen  agnoscit  hoc  fieri  iusto  Dei  iudicio  :  ut  Deum  sibi  conciliet,  suppliciter  ad  veniae  deprecationem  confugit.  Deinde  ubi  conquestus  est  de  hostium  saevitia,  et  testatus  est  sibi  nulla  unquam  tristitia  excussam  fuisse  Dei  memoriam,  tam  restitui  postulat,  quam  Dei  spiritu  gubernari:  ut  quod  residuum  est  vitae  pietati  addicat.  Psalmus  Davidis.  1.  Iehova  audi  precationem  meam,  ausculta  ad  orationem  meam,  in  veritate  tua  responde  mihi,  in  iustitia  tua.  2.  Et  ne  intres  in  iudicium  cum  servo  tuo:  quia  non  iustificabitur  in  conspectu  tuo  ullus  vivens.  3.  Quia  persequutus  est  inimicus  animam  meam,  prostravit  in  terra  vitam  meam:  locavit  me  in  tenebricosis,  sicut  mortuos  saeculi.